وەزیرى تەندروستیی هەرێمی کوردستان رایدەگەیەنێت "رێککەوتننامەیەک لەگەڵ لایەنە پەیوەندیدارەکان بۆ پێشخستنى کەرتى تەندروستى واژۆ دەکەین".
سامان بەرزنجى گوتیشی، "بەگوێرەى هەڵسەنگاندنە نێودەوڵەتییەکان، نیشاندەرە ژینگەیى و تەندروستییەکانى هەرێمی کوردستان لە ئاستى زۆرباشدایە".
لە شاری هەولێر کۆنفرانسى تەندروستى بەبەشدارى پسپۆڕى زانکۆکانى هەرێمى کوردستان و نێودەوڵەتى و دامەزراوەکانى خوێندنى باڵا بەڕێوەدەچێت.
سامان بەرزنجی، وەزیرى تەندروستیى حکومەتى هەرێمى کوردستان رایگەیاند "رەشنووسى رێککەوتننامەیەک لەگەڵ لایەنە پەیوەندیدارەکان و خوێندنى باڵا واژۆ دەکەن بەمەبەستى پەرەپێدانى کارەکانیان و پێشخستنى کەرتى تەندروستى".
دەشڵێت: بەگوێرەى هەڵسنەگاندنە نێودەوڵەتییەکان، نیشاندەرە ژینگەیى و تەندروستییەکانى هەرێمى کوردستان لە ئاستى زۆرباشدایە.
گوتیشى، "دەرچووانى بەشە پزیشکییەکان خاوەنى متمانەیەکى زۆر گەوەرەن لەناو وڵاتانى دونیادا".
