قەیس خەزعەلى: گرووپەکان بۆ چەکدانان داواکارییان هەیە
پووختەی هەواڵەکە:
- قەیس خەزعەلى: سەرۆکوەزیران بەڵێنى داوە داواکاریی گرووپەکان جێبەجێبکات
- قەیس خەزعەلى: چەند ئاستەنگییەک لە بەردەم تەواوکردنى کابینەى حکومەتدان
- قەیس خەزعەلى: لەیس خەزعەلى بەربژێرمانە بۆ جێگرى سەرۆکوەزیران
- قەیس خەزعەلى: لەناو کورد و سووننەش ناکۆکى لەسەر پۆستەکان هەیە
قەیس خەزعەلى، ئەمینداری گشتیی عەسائیبى ئەهلى حەق لە دیمانەیەکدا لەگەڵ ژمارەیەک میدیا کە کەناڵ8 یەکێکیان بوو،، ئاماژەى بە دوا پەرەسەندنە سیاسی و ئەمنییەکانى عێراق بەگشتیی و پرسى کۆکردنەوەى چەک و تەواوکردنى کابینەى حکومەت بەتایبەت کرد.
کشانەوەی هاوپەیمانان و داواکاری گروپە چەکدارەکان
- ئەو گرووپانەى تاوەکو ئێستا ئامادەنین چەکەکانیان ڕادەستبکەن، چەند داواکارییەکیان هەیە.
- دیارترین داواکارییەکانیان کشانەوەى هێزە بیانییەکان، پاراستنى ئاسمانى عێراق و بەکارنەهێنانى بۆ هێرشکردنە سەر وڵاتان.
لە وەڵامى پرسیارێکدا لەبارەى کشانەوەى هاوپەیمانان و کۆکردنەوەى چەکى گرووپەکان ڕایگەیاند، ئەو گرووپانەى تاوەکو ئێستا ئامادەنین چەکەکانیان ڕادەستبکەن، چەند داواکارییەکیان هەیە، لەوانە کشانەوەى هێزە بیانییەکان، پاراستنى ئاسمانى عێراق و بەکارنەهێنانى بۆ هێرشکردنە سەر وڵاتان، سەرۆکوەزیرانیش لەبەردەم چوارچێوەی هەماهەنگی بەڵێنیداوە ئەو خاڵانە جێبەجێ بکات.
ئاستەنگەکانی بەردەم تەواوکردنی کابینەی حکومەت
لەوەڵامى پرسیارێکیشدا لەبارەى ئاستەنگییەکانى بەردەم تەواوکردنى کابینەى حکومەت، کە دەگوترێت پۆستى جێگرانى سەرۆکوەزیران بووەتە گرێکوێرە، قەیس خەزعەلى ئاماژەى بەوەکرد، بەستنەوەى کێشەى پێکهێنەهێنانى حکومەت بە براکەى و فراکسیۆنى سادیقوونەوە ناڕاستە، کێشەکان پەیوەست بە بەربژێرى وەزارەتى ناوخۆ و ناکۆکى یەکێتى و پارتى لەسەر بەربژێرى جێگرى سەرۆکوەزیران، سووننەکانیش لەسەر وەزارەتى ڕۆشنبیرى ناکۆکن.
سوورن لەسەر بەربژێکردنی لەیس خەزعەلی
گوتیشى، ئەوان سوورن لەسەر بەربژێرکردنى لەیس خەزعەلى بۆ جێگرى سەرۆکوەزیران، بەڵام لەیس خەزعەلى بەهۆى ڕابردووەکەى لە "بەرەى جیهاد و مقاوەمە" جێگای خۆشحاڵی سیستمی نیودەوڵەتی و بە دیاریکراوی ئەمریکا نییە.
قەیس خەزعەلى: چەکى پێشمەرگە لە چوارچێوەى دەستووردا باسکراوە
لەبارەى چەکى پێشمەرگە و ئەو داواکارییانەى دەکرێت بۆ ئەوەى چەکى پێشمەرگەش بخرێتە چوارچێوەى دەوڵەت، ئەمینداری گشتیی عەسائیبى ئەهلى حەق ڕایگەیاند، چەکى پێشمەرگە لە چوارچێوەى دەستووردا باسکراوە، بەڵام پێویستە هێزەکانى پێشمەرگە لە ژێر فەرمانى فەرماندەى گشتیی هێزەچەکدارەکاندا بن.
زانیاری زیاتر بۆ تۆ
ڕێبەر ئەحمەد: کشانەوەی هێزەکانی هاوپەیمانان لە هەرێمی کوردستان بە کرداری دەستیپێکردووە
عێراق داوای ئەمریکای بۆ درێژکردنەوەی مانەوەی هێزەکانی ڕەتکردەوە
چوارچێوەى هەماهەنگى پلانێکى نوێى بۆ کۆکردنەوەى چەکى گرووپەکان هەیە
بزووتنەوەى نوجەبا سەردانى سەرکردەکانى چوارچێوەى هەماهەنگی کرد
1 کاتژمێر پێش ئێستا