دەیەمین پێشانگەی نێودەوڵەتیی کتێب لە شاری سنە دەستیپێکرد
سامیا حەسەن 59 خولەک پێش ئێستا
پووختەى ڕاپۆرتەکە
- دەیەمین پێشانگەی نێودەوڵەتیی کتێب لە شاری سنە دەستیپێکرد.
- 300 دەزگای چاپ و پەخش لە ئێران و ڕۆژهەڵاتی کوردستانەوە بەشدارن.
- نۆ دەزگای هەرێمی کوردستان لە پێشانگەکەی سنەى ڕۆژهەڵات بەشدارن.
پێشانگەکە بە بەشداری 300 دەزگای چاپ و پەخش لە ئێران و ڕۆژهەڵاتی کوردستان و هەروەها نۆ دەزگای هەرێمی کوردستان دەستپێکرد. ڕێکخەرانی دڵخۆشن بە بەشداریی دەزگا و چەپەمەنییەکانی هەرێمی کوردستان.
ڕێکخەرانی پێشانگاکە
- عیسا فەلاحی: پێشانگەکە 20 هەزار ناونیشانی کتێب و 90 هەزار بەرگی کتێب لە خۆ دەگرێت.
- عیسا فەلاحی: لەو دەزگا و چاپەمەنییانەی لە هەرێمی کوردستانەوە بەشدارییان کردووە، حەوت لە سلێمانی و دوو لە هەولێرەوە بەشدارن.
- محەممەد مەعروف، بەرپرسی ناوەندی تیشک سلێمانی: پێشانگاکە، ئەو جوڵە و قەرەباڵغییەی ساڵانی پێشووی کەمتر تێدا بەدی دەکرێت، جەنگ و خراپی دۆخی ئابووری، ڕەنگدانەوەی بەسەر بازاری کتێب و توانای کڕینی خوێنەران هەبووە. لەگەڵ ئەوەشدا بەشێک لە نووسەران و کتێبفرۆشان لە بەشداریی خوێنەرانی کورد ڕازین.
لە پەراوێزی پێشانگەکە، چەندین بەرنامەی کولتووری و وۆرکشۆپی زانستی بەڕێوەدەچن و هەموو جۆرە کتێبە مێژووی و سیاسی و ئاینی و فەرهەنگی و کتێبی منداڵانی تێدا دەست دەکەوێت.
پێشانگەکە لە 7ـی ئەم مانگەوە دەستیپێکردووە و بڕیارە تاوەکو 13ـی مانگ بەردەوام بێت.
زانیارى زیاتر بۆ تۆ
سنە و کرماشان لەڕووی ئابوورییەوە لە ریزبەندی یەکەم و دووەمی پارێزگا ناسەقامگیرەکانی ئێرانن
پارێزگاری سنە: کار بۆ کردنەوەی سنوورەکانی هەنگەژاڵ و سێف دەکرێت
لە سنە: کیسەیەک برنجی 10 کیلۆیی پاکستانی زیاتر لە 1 ملیۆن تمەنە
بەهۆی ئاگرەکەی ئاویەری سنە 3 ژینگەپارێز گیانیان لەدەستدا
سامیا حەسەن
59 خولەک پێش ئێستا