کونسوڵخانەی ئەڵمانیا بۆ کەناڵ8: پێشوازی لە هەوڵەکانی یەکخستنەوەی هێزەکانی پێشمەرگە دەکەین
پووختەی هەواڵەکە:
- کونسوڵخانەی ئەڵمانیا بۆ کەناڵ8: بە گرنگییەوە لە جێبەجێکردن و پەرەپێدانی پرۆسەی چاکسازیی هێزەکانی پێشمەرگە دەڕوانین.
- کونسوڵخانەی ئەڵمانیا بۆ کەناڵ8: بەردەوام دەبین لە پشتگیریکردنی سەقامگیری و ئاسایش لە ناوچەکەدا.
کونسوڵخانەی گشتیی ئەڵمانیا بە کەناڵ8ـی ڕاگەیاند، ئەڵمانیا پێشوازی لە هەوڵە بەردەوامەکان دەکات بۆ یەکخستنەوەی هێزەکانی پێشمەرگە لەژێر چەتری وەزارەتی پێشمەرگەدا و جەختی لەوە کردەوە، بەردەوام دەبێت لە پشتگیریکردنی سەقامگیری و ئاسایش لەناوچەکەدا.
دووپاتکردنەوەی پابەندبوونی ئەڵمانیا بە پشتیوانی چاکسازی و پەرەپێدانی هێزەکانی پێشمەرگە
- ئەڵمانیا کە لە مانگی ئابی ئەمساڵدا بە فەرمی ڕایگەیاند، لە کۆتایی مانگی ئەیلول، هێزەکانی لە هەرێمی کوردستان دەکشێنێتەوە، کە پێشتر لە شەری داعش هێزی ڕەوانەی هەرێمی کوردستان کرد.
- قەبارە و شێوازەکانی داهاتووی بەشداریی ئەڵمانیا لە ئێستادا لە ژێر هەڵسەنگاندندایە.
- ئەڵمانیا لە پەیوەندییەکی نزیکدا دەبێت لەگەڵ هاوبەشە عێراقی و کوردییەکانی و بەردەوام دەبێت لە پشتگیریکردنی سەقامگیری و ئاسایش لە ناوچەکەدا.
- بەشداریی ئەڵمانیا لە عێراق و هەرێمی کوردستان، تەنها لە کەرتی ئاسایشدا کورت نابێتەوە، بەڵکو بەردەوام دەبێت لە هاوکاریکردنی چەندین کەرتی جیاجیا.
ڕۆژی 10ـی ئەیلوولی 2026، شۆڕش ئیسماعیل، وەزیری پێشمەرگە ڕایگەیاند، دوای چەندین ساڵ کارکردنی هاوبەش لەگەڵ فەرماندەیی هێزەکانی 70 و 80، سەرجەم بەربەست و گرفتەکان تێپەڕێنران و تەواوی هێزەکان یەکخراونەتەوە..
کونسوڵخانەی گشتیی ئەڵمانیا لە هەولێر، لە لێدوانێکدا بە کەناڵ8ـی گوت، بە گرنگییەوە لە جێبەجێکردن و پەرەپێدانی پرۆسەی چاکسازیی هێزەکانی پێشمەرگە دەڕوانن و پابەندبوونی ئەڵمانیای بۆ ئەم هەوڵانە دووپات کردەوە.
دەستپێکردنی پرۆسەی کشانەوەی ئەڵمانیا لە هەرێمی کوردستان
ئەڵمانیا کە لە مانگی ئابی ئەمساڵدا بە فەرمی ڕایگەیاند، لە کۆتایی مانگی ئەیلول، هێزەکانی لە هەرێمی کوردستان دەکشێنێتەوە، لەکاتێکدا یەکێکە لەو وڵاتانەی لە شەڕی دژی داعشدا، هێزی ڕەوانەی هەرێمی کوردستان کرد کە وەکو ڕاوێژکار و راهێنەر بە هێزەکانی پێشمەرگە ڕۆڵیان بینی.
هەڵەسەنگاندن بۆ قەبارە و شێوازی بەشداری داهاتووی ئەڵمانیا
کونسوڵخانەی گشتیی ئەڵمانیا ئەوەشی خستەڕوو، قەبارە و شێوازەکانی داهاتووی بەشداریی ئەڵمانیا لە ئێستادا لە ژێر هەڵسەنگاندندایە، بەڵام وڵاتەکە لە پەیوەندییەکی نزیکدا دەبێت لەگەڵ هاوبەشە عێراقی و کوردییەکانی و بەردەوام دەبێت لە پشتگیریکردنی سەقامگیری و ئاسایش لە ناوچەکەدا.
بەردامبوون لە هاوکاریکردنی کەرتی جیاجیا لە عێراق و هەرێمی کوردستان
کونسوڵخانەکە جەختی لەوەش کردەوە، بەشداریی ئەڵمانیا لە عێراق و هەرێمی کوردستان، تەنها لە کەرتی ئاسایشدا کورت نابێتەوە، بەڵکو ئەڵمانیا یەکێکە لە هاوبەش و بەخشەرە سەرەکییە نێودەوڵەتییەکان لە چەندین بواری جۆراوجۆردا و پابەندە بە بەردەوامیدان بەو هاوکارییە فراوانە.
زانیاری زیاتر بۆ تۆ
کشانەوەی هێزەکانی ئەڵمانیا لە هەرێمی کوردستان و گۆڕینی ئەرکەکانیان
سەباح نوعمان: پێگەى هێزەکانى ئەڵمانیا دەدرێتەوە بە دەسەڵاتى فڕۆکەخانەى هەولێر
ئەڵمانیا وەزارەتى پێشمەرگەیان لەبارەى کۆتاییهاتنى ئەرکى هێزەکانى ئاگادار کردەوە
وەزیری بەرگریی ئەڵمانیا لەگەڵ سەرۆکى هەرێمی کوردستان و وەزیری پێشمەرگە کۆبووەوە
