پووختەی هەواڵەکە:

• خوێندنی باڵا: زانکۆلاین بۆ ماوەی هەشت ڕۆژ کارا دەبێت

• زانکۆلاین بۆ دەرچووانی 12ـی ئامادەیی کارا دەبێت.

• ئەمساڵ40 هەزار و 716 دەرچوو داواکاری بۆ زانکۆلاین پێشکەش دەکەن.

---

وەزارەتی خوێندنی باڵای و توێژینەوەی زانستیی هەرێمی کوردستان ئاشکرای دەکات، لە سبەى پێنجشەممەوە و بۆ ماوەی هەشت ڕۆژ، زانکۆلاین بۆ دەرچووانی 12ـی ئامادەیی کارا دەبێت.

---

لێدوانی بەڕێوەبەری فەرمانگەی خوێندن و پلاندانان لە بارەی زانکۆلاینەوە

• سبەی پێنجشەممە کاتژمێر سەعات 8:30ـى بەیانى، زانكۆلاین بۆ ماوەى هەشت ڕۆژ تاوەکو ڕێکەوتى 24ـی ئەم مانگە بۆ دەرچوانى دوانزەى ئامادەیى کارا دەبێت.

• گوتیشی، لەو ماوەیەدا دەرچووان دەتوانن فۆرمی وەرگرتن لە زانكۆ و پەیمانەكان پڕبكەنەوە و پێشكەشی بكەن و بۆ وەرگرتنەوەى ناوى بەکارهێنەر و وشەى تێپەڕ سەردانی خوێندنگەکانی خۆیان بکەن.

• وەرگرتن لە زانکۆکان بەگوێرەى ڕیزبەندی ئەو کۆلێج و بەشانە دەبێت، کە دەرچووان لە زانکۆلاین پێشکەشی دەکەن بە ڕەچاوکردنی کۆنمرەی خوێندکار.

• بەپێویستى زانى بە وردی ڕیزبەندیی ئەو کۆلێج و بەشانە دیاری بکەن کە ئارەزوو دەکەن خوێندنی تێدا تەواو بکەن.

خەتاب ئەحمەد، بەڕێوەبەری گشتیی فەرمانگەی خوێندن و پلاندانان لە وەزارەتەکە لە کۆنفڕانسێکی ڕۆژنامەوانییدا گوتی "سبەی پێنجشەممە کاتژمێر سەعات 8:30ـى بەیانى، زانكۆلاین بۆ ماوەى هەشت ڕۆژ تاوەکو ڕێکەوتى 24ـی ئەم مانگە بۆ دەرچوانى دوانزەى ئامادەیى کارا دەبێت.

ڕاسپاردەیەک بۆ خوێندکارانی دەرچوو

گوتیشی، لەو ماوەیەدا دەرچووان دەتوانن فۆرمی وەرگرتن لە زانكۆ و پەیمانەكان پڕبكەنەوە و پێشكەشی بكەن و بۆ وەرگرتنەوەى ناوى بەکارهێنەر و وشەى تێپەڕ سەردانی خوێندنگەکانی خۆیان بکەن.

شێوازی وەرگرتن لە زانکۆکان

بە گوتەی خەتاب ئەحمەد وەرگرتن لە زانکۆکان بەگوێرەى ڕیزبەندی ئەو کۆلێج و بەشانە دەبێت، کە دەرچووان لە زانکۆلاین پێشکەشی دەکەن بە ڕەچاوکردنی کۆنمرەی خوێندکار، بەپێویستى زانى بە وردی ڕیزبەندیی ئەو کۆلێج و بەشانە دیاری بکەن کە ئارەزوو دەکەن خوێندنی تێدا تەواو بکەن.

خەتاب ئەحمەد داوای لە دەرچووانى پۆلى 12 کرد، لەگەڵ کاراکردنی زانکۆلاین، دەست بە پێشکەشکردن بکەن و کارەکانیان دوا نەخەن بۆ کۆتا ڕۆژەکانی زانکۆلاین.

ژمارەی دەرچوانی ئەمساڵ

بۆ ئەمساڵ40 هەزار و 716 دەرچووى بەشەکانی زانستى، وێژەیی، پیشەیی، خوێندنگە نێودەوڵەتییەکان داواکارى بۆ زانکۆلاین پێشکەش دەکەن.

زانیاری زیاتر بۆ تۆ

خوێندنی باڵا ڕێکاری نوێی ڕەفتاری پیشەیی نێوان مامۆستا و خوێندکارى بڵاوکردەوە

وەزارەتی خوێندنی باڵا کاتی دەستپێکردنەوەی دەوامی زانکۆ و پەیمانگاکانی ڕاگەیاند

خوێندنی باڵا: گواستنەوە و دابەزینی خوێندکاران بە ئەلیکترۆنی دەستیپێکرد