پووختەى هەواڵەکە

• سوپای عێراق بۆردوومانی ناوچەیەکی لە نزیک پردێ کرد.

• راگەیاندنی ئەمنیی ئاشکرایکرد، فڕۆکەکانی عێراق چەند چەکدارێکیان کردووەتە ئامانج.

• راگەیاندنی ئەمنیی: لە بۆردوومانەکەدا سێ چەکداری داعش کوژراون.

راگەیاندنی ئەمنیی سەر بە نووسینگەی فەرماندەی گشتیی هێزە چەکدارەکانی عێراق بڵاویکردەوە، ئێوارەی ئەمڕۆ هەینی، کاتژمێر 8 هێزە ئەمنییەکانی فەرماندەیی ئۆپراسیۆنەکانی کەرکووک ئۆپەراسیۆنێکی تایبەتیان لە سنووری ناحیەی پردێ ئەنجامداوە.

راگەیاندنی ئەمنیی سەر بە نووسینگەی فەرماندەی گشتیی هێزە چەکدارەکانی عێراق:

• ئۆپەراسیۆنەکە لەسەر بنەمای زانیاریی وردی بەڕێوەبەرایەتیی هەواڵگریی سەربازی بووە.

• لە چوارچێوەی سنووری بەرپرسیارێتیی لیوای 32ی پیادەی سەر بە فیرقەی هەشتی میکانیکی بەڕێوەچووە.

• کە تێیدا فڕۆکەکانی سوپا گورزێکی ئاسمانیی وردی لە پاشماوەی چەکدارە تیرۆریستەکان وەشاندووە.

• لە ئەنجامی بۆردوومانەکەدا سێ تیرۆریست کوژراون.

• ئەو کەسەش دەستگیرکراوە کە چەکدارەکانی گواستووەتەوە.

هێزە ئەمنییەکان لە ئێستادا بەردەوامن لە پرۆسەی گەڕان و پشکنینی ورد لە ناوچەکەدا و بڕیارە دواتر وردەکاریی زیاتر لەبارەی ئۆپەراسیۆنەکەوە بڵاوبکرێتەوە.