دواى دووجار چاککردن ڕێگای پشتێنەیی قەزای دووزخورماتوو تێکچوو.
لافاو و زۆربوونی ئاوی چەمی ئاوەسپی، بەشێک لە ڕێگاکەى ڕاماڵى.
ڕێگاکە بەڕووى هاتووچۆدا بەتەواوی داخراوە و بارهەڵگرەکانیش وەستاون.
ڕێگاکە زیاتر بۆ بارهەڵگر بەکار دەهات، بەو هۆیەوە جموجوڵی بازرگانی و گواستنەوەی کاڵا لە هەرێمی کوردستانەوە بۆ بەغداد و باشوری عێراق لە ڕێگای کەرکووکەوەوە ڕاوەستاوە، ئەمە جگە لەوەی وەک شوفێری بارهەگرەکان دەڵێن جگە لە ئەوان بژێویی هەزاران کەس و خاوەنی دووکان و چێشتخانەکان لەسەر جموجوڵی ئەوانە کە ئێستا ڕاوەستاوە .
ساڵی رابردوو حکومەتی خۆجێی سەڵاحەدین بە کۆنکریت ڕێگاکەی دروست کرد.
پاش چەند رۆژێک بەهەمانشێوە داڕووخا و دواتر جارێکی دیکە دروستی کردەوە.
ئەمساڵ پێش هاتنى زستان جارێکى دیکە دارووخا .
لەناو شاری دووزخورماتووەوە لەسەر چەمەکە پردێکی دیکە هەیە.
بەهۆی لافاوەوە، ساڵی رابردوو سایدێکی دارووخا و ئێستا لەژێر نۆژەنکردنەوەدایە ڕێگاکە بووەتە یەک ساید.
ئەو پردەی تاکە ڕێگایەکی ماوە تەنیا بۆ ئۆتۆمبیلی بچووک بەکار دێت، چونکە ئەویش بەهۆی لافاوی چەمی ئاوەسپیەوە بەشی زۆری دنگەکانی بەدەرکەوتوون و زۆر لاواز بووە و بەکەڵکی بەکارهێنانی نایەت لەلایەن بارهەڵگرەکانەوە .
زانیاریى نوێ؛ بارانبارین بەردەوام و ئاویش لە چەند شارێک بەرز دەبێتەوە
کەرکووک دەکەوێتە حاڵەتی ئامادەباشییەوە؛ بارانی بەلێزمە و مەترسی لافاو هەیە