دەستەی ڕاگەیاندن و پەیوەندییەکانی عێراق بڕیاریدا بە ڕاگرتنی کاری کۆڕەک تیلیکۆم
پووختەی هەواڵ
- دەستەی ڕاگەیاندن و پەیوەندییەکان: بەهۆی پێشێلکردنی پابەندییەکانی و شکستی کۆمپانیاکە بڕیارەکە دەرکراوە
- دەستەی ڕاگەیاندن و پەیوەندییەکانی عێراق: دەستبگیرێت بەسەر سەرجەم سامانی گوازراوە و نەگوازراوەی کۆڕەکدا
- دەستەی ڕاگەیاندن و پەیوەندییەکان: هاونیشتمانیان خۆیان بەدوور بگرن لە نوێکردنەوەی بەشداریکردن لە هێڵى کۆڕەک
- دەستەی ڕاگەیاندن و پەیوەندییەکان: داوا لە خەڵک دەکەین ڕێگەنەدەن کۆمپانیای کۆڕەک بورجەکان و ئامێرەکانی
- دەستەى ڕاگەیاندن و پەیوەندییەکانى عێراق، بڕیاریدا بە ڕاگرتنى کارى کۆمپانیای کۆڕەک تیلیکۆم لە سەرانسەرى عێراق.
دەستەى ڕاگەیاندن و پەیوەندییەکانى عێراق، ڕاگەیێنراوێکى بڵاوکردەوە و تیایدا ئاماژەى بەوەکرد، بەهۆى پێشێلکردنى پابەندییەکانى و شکستى کۆمپانیاکە بڕیارەکەیان دەرکردووە، ئاماژەى بەوەشکردووە، پێویستە دەستبەجێ دەستبگیرێت بەسەر سەرجەم سامانى گوازراوە و نەگوازراوەى کۆڕەک تیلیکۆمدا.
هەر لە ڕاگەیێنراوەکەى دەستەى ڕاگەیاندن و پەیوەندییەکانى عێراق، داواى لە هاوڵاتییانى عێراق کراوە، خۆیان بەدووربگرن لە نوێکردنەوەى بەشداریکردن لە هێڵى کۆڕەک.
داوایەکی دەستەکە لە خەڵک
- ڕێگەنەدان بە لابردنی بورجی سەرماڵان و شوێنە بازرگانییەکان
- پاراستنی سەرجەم کەلوپەلەکانی کۆمپانیاکە لە لایەن کارمەندەکانەوە
- پارێزگاریکردن لە داتا و زانیارییە کەسی و دارایی و یاساییەکان
- ڕێگریکردن لە دزەکردن و بردنی هەر شتێک
ئەوەشى خستووەتەڕوو، داوا لە خەڵک دەکەن کە ڕێگە بە تیمەکانى کۆمپانیاى کۆڕەک تیلیکۆم نەدەن بێن کەلوپەل و بورجەکانیان لەسەربانى ماڵەکانیان و شوێنە بازرگانییەکان لێبکەنەوە.
هۆشداری لێپێچینەوەی تووندی یاسایی
لە کۆتایی ڕاگەیێنراوەکە، داوا لە کارمەندانى کۆمپانیاى کۆڕەک تیلیکۆم دەکات، پێویستە سەرجەم کەلوپەلەکانى کۆمپانیاکە بپارێزن، هەروەها پارێزگاری لە داتا و زانیارییە کەسییەکان و زانیارییە داراییەکان و یاساییەکانى کۆمپانیاى ناوبراو بکەن، هەروەها ڕێگربن لە دزەکردن و بردنى هەر شتێک لەو بابەتانەى باسیان لێوەکراوە، چونکە بە پێچەوانەوە ئەنجامدەرانى ڕووبەڕووى لێپێچینەوەى تووندی یاسایی دەبنەوە.
زانیاری زیاتر بۆ تۆ
ئەگەری هەڵوەشاندنەوەی مۆڵەتی کۆڕەک تیلیکۆم بۆ هەمیشەیی لە ئارادایە
دەستەی دەستپاکی عێراق خزمەتگوزاریی ئینتەرنێتی کۆمپانیای کۆڕەک تیلیکۆمى راگرت
کۆمیسیۆنى ڕاگەیاندن: ڕێکارەکان بۆ کۆتاییهێنان بە دۆسیەی کۆڕەک تیلیکۆم تەواوکراون
دەستەی ڕاگەیاندن و پەیوەندییەکان گرێبەستی پاکتاوکردن لەگەڵ کۆڕەک هەڵدەوەشێنێتەوە
سیروان بارزانى: سکاڵا دژى بڕیارى دەستەى ڕاگەیاندن و پەیوەندییەکانى عێراق تۆماردەکەین
