ئەمریکا سزای بەسەر 10 کەسایەتی بە تۆمەتی هاوکاریی حیزبوڵا سەپاند
سامیا حەسەن 1 کاتژمێر پێش ئێستا
پووختەى هەواڵەکە
- ئەمریکا سزای بەسەر 10 کەسایەتی بە تۆمەتی هاوکاریی حیزبوڵا سەپاند.
- لە لیستی سزاکانی ئەمریکا ئێرانییەک و نۆ هاوڵاتی تورکی هەیە.
- عێراقچی: هەنگاوەکانی ئەمریکا شکستی گەورەتری بەدوادادێت.
- عێراقچی: ئەمریکا دەیەوێت قەیرانە ناوخۆییەکان بەم ڕێگەیانە پەردەپۆش بکات.
وەزارەتی گەنجینەی ئەمریکا لە ڕاگەیێنراوێکدا بڵاویکردووەتەوە "سزایان بەسەر 10 کەسدا سەپاندووە کە لە وڵاتى تورکیا نیشتەجێن، کە یەکێکیان بەڕەگەز ئێرانییە و نۆ کەسەکەى دیکە هاوڵاتى تورکین".
بە گوێرەى راگەیێندراوەکەى وەزارەتى گەنجینەى ئەمریکا
- ئەو کەسایەتییانە سیستمی دارایی جیهانییان بەکارهێناوە بۆ ئەوەی ڕێگە بە حیزبوڵا بدەن دەستی بگات بە دراوی بیانی و دەربازبوون لە سزاکانی ئەمریکا.
- ئەو 10 کەسە ملیۆنان دۆلاریان لە نێوان لوبنان، تورکیا، ئیمارات و ئێران، بۆ بەرژەوەندی حیزبوڵای لوبنانی گواستووەتەوە.
- سزا نوێیەکانی ئەمریکا و لێدوانەکانی وەزیری خەزێنەی وڵاتەکە هەرزوو کاردانەوەی ئێرانی لێکەوتەوە.
- عەباس عێراقچی: دەستپێکردنەوەی سەپاندنى سزاکان دژ بە ئێران بۆ بەلاڕێدا بردنی ڕای گشتی ئەمریکایە، سەبارەت بەو دۆخ و قەیرانە ئابوورییە ناوخۆییەی دووچاری وڵاتەکە بووەتەوە.
- عێراقچی: پێداگری لەسەر ئەو سیاسەتە شکستخواردووانە تەنیا شکستی گەورەتری بۆ واشنتن بەدوا دێت.
- تیرۆری ئابووری ئەمریکا ئابووری جیهان و ئاسایشی نیشتمانی وڵاتان لە سەرانسەری جیهان دەخاتە مەترسییەوە.
- لە دوایین لێدوانیدا سکۆت بیسێنت، وەزیری گەنجینەی ئەمریکا ڕایگەیاند، پلانی توندکردنەوەی سزا ئابوورییەکان دەبێتە هۆی ڕووخانی دەسەڵات لە ئێران.
- سکۆت بیسێنت: دابڕانی ئابووریی تاران گەورەترین گۆشەگیری دەبێت لە مێژووی وڵاتەکەدا.
سزاکانی ئەمریکا لە کاتێکدایە "حکومەتی بەریتانیا 19ـی ئەم مانگە لە ڕاگەیێنراوێکدا بڵاویکردەوە، "حەوت کەسایەتی و دەزگای ئێرانی خستووەتە لیستی سزاکانییە و گوتیشی، ئامانج لێی ڕێگرییە لە تاران بۆ کارە دووژمنکاری و تێکدەرەکانی دژ بە سەقامگیریی ناوچەکە".
زانیارى زیاتر بۆ تۆ
https://channel8.com/kurdish/news/207663
سامیا حەسەن
1 کاتژمێر پێش ئێستا