بۆ دووەم رۆژ لەسەریەک، بایکۆتی یاریزانە عێراقییەکانی یانەی هەولێر بەردوام بوو.
هەرچەندە کارگێریی یانەی هەولێر لەگەڵ بەڕێوەبەری وەرزشیی یەکێتیی تۆپی پێی کوردستان ماوەی دوو کاتژمێر کۆبوونەوەی ئەنجامدا و بەڵێندرا، کە یانەکە لەو دۆخە داراییە رزگاربکرێت کە تووشیهاتووە، بەڵام جارێکی دیکە یاریزانە عێراقییەکانی یانەی هەولێر بایکۆتی راهێنانەکانیان کرد.
لە دوای دۆڕاندن بە یانەی زاخۆ و پێنەدانی شایستە داراییەکانیان لەلایەن ئیدارەی یانەکەوە، یاریزانانی یانەی هەولێر ماوەی دوو رۆژە راهێنانەکانیان بایکۆت کردووە، شەوی رابردوو بەفەرمی ئیدارەی یانەی هەولێر رایگەیاند، کە کاتژمێر 7:00 لە یاریگەی دووەم راهێنانەکان ئەنجامدەدەن، بەڵام تەنیا شەش یاریزان ئامادەبوون، ئەوانیش پێنج یاریزانی پیشەگەر و ئاسۆ رۆستەمی هێرشبەری ناوداری هەلبژاردەی عێراق بوون.
