لە کۆنفرانسی جیهانی مۆبایل، لە شاری بەرشەلۆنەی وڵاتی ئیسپانیا، یەکێک لە بەرهەمە نمایشکراوەکان گالاکسی رینگی کۆمپانیای سامسۆنگ بوو.
گالاکسی رینگ ئەنگوستیلەیەکی زیرەکە، بە رەنگەکانی پلاتنیۆم، زیو، زێڕ و سیرامیک بەردەستە، بەکارهێنەر دەیکاتە پەنجەی و لەگەڵ مۆبایلەکەی لە رێگای بلوتوز پێکەوەیان دەبەستێت و زانیارییە گرنگەکان لەسەر تەندرووستی کەسەکە دەگوازێتەوە بۆ مۆبایلەکەی.
ئەنگوستیلەکە بە پشتبەستن بە لێدانی دڵ، جوڵە و هەناسەدان بەدواداچوون بۆ کوالێتی خەوی کەسەکە دەکات و ئامۆژگاری و تێبینییەکان بە کەسەکە دەڵێت، هەروەها تایبەتمەندی مای ڤیتاڵیتی سکۆر پێشکەش دەکات کە هەڵسەنگاند بۆ وریایی کەسەکە دەکات، ئەمەش بە لەبەرچاوگرتنی پێوەرەکانی دیکە و هەڵسەنگاندنی کوالێتی خەوی کەسەکە و لێدانی دڵی.
پێشبینی دەکرێت لە داهاتوویەکی نزیکدا سامسۆنگ کاتی خستنە بازاڕی ئەنگوستیلەکە بۆ کڕیاران ئاشکرابکات.
