بەڕێوەبەرایەتی نەهێشتنی ماددە هۆشبەرەکان، بەهەماهەنگی بەڕێوەبەرایەتی ئاسایشی راپەڕین باندێکی بازرگانیکردنیان بە مادەى هۆشبەر دەستگیرکرد.
دەزگاى ئاسایشى هەرێم راگەیەندراوێکى بڵاوکردەوە تێیدا هاتووە، رۆژى2ـى نیسان دوای بەدواداچوون و چاودێکردن، هێزەکانی ئاسایش لەسەر بڕیاری دادوەر، توانیان چوار تۆمەتباری بازرگانی ماددەی هۆشبەر لە رووبەڕوبونەوەیەکی چەکداری لە رانیە دەستگیربکەن، هاوکات دەستبگرن بەسەر بڕی سێ کیلۆ و 500 کیلۆگرام ماددەی کریستاڵ و بڕی 300 دەنک حەبی تڕاماڵ و 500 کیلۆگرام شیلەی تلیاک و دوو ئۆتۆمبێل بۆ گواستنەوەی ماددەکان بەکاردەهێنراون.
بەگوێرەى راگەیەندراوەکە، لەئێستادا بە ماددەی 26 لەیاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان راگیراون و لێکۆڵینەوە لە دۆسیەکانیان بەردەوامە.
تاوەکو ئێستا زیاتر لە چوار هەزار و 500 کەس بەتۆمەتى بەکارهێنان و بازرگانیکردن بە ماددەى هۆشبەر دەستگیرکراون و لەو رێژەیە هەزار کەسیان تۆمەتبارن بە بازرگانیکردن بە ماددە هۆشبەرەکان.