موراد قەرەیلان: تاوەکو ئۆجەلان لە زیندان بێت بە کەس ناڵێم چەک دابنێت
پووختەی هەواڵەکە:
- موراد قەرەیلان: ئەم پڕۆسەیە بەبێ ئازادی ئۆجەلان ناکرێت و نابێت
- موراد قەرەیلان: یاسای پڕۆسەکە کەموکوڕی و هەڵەی زۆری تێدایە
- موراد قەرەیلان: نابێت پڕۆسەکە لە چەکدانانی پەکەکەدا کورتبکرێتەوە
- موراد قەرەیلان: بۆ یاساکە بۆچوونی ئێمە و ئۆجەلان بە باشی وەرنەگیراوە
موراد قەرەیلان ئەندامی فەرماندەیی ناوەندی پاراستنی گەل، دەڵێت، ئەم پڕۆسەیە بەبێ ئازادی ئۆجەلان ناکرێت و نابێت و تاوەکو ئۆجەلان لە زیندان بێت، بە کەس ناڵێت چەک دابنێ. ئاماژە بەوەش دەکات، یاسای پڕۆسەکە کەموکوڕی و هەڵەی زۆری تێدایە و بۆچوونی بزووتنەوەکەیان و ئۆجەلان بە باشی وەرنەگیراوە.
لە یلادی خەباتی چەکداری پەکەک
- قەرەیلان ڕەخنە لە یاساکە دەگرێت کە ئۆجەلان ناگرێتەوە
- قەرەیلان: من دەتوانم بە ئەندامێک بڵێم بڕۆ با ئۆجەلان پێشوازیت لێبکات
- یاساکەش بە مانادار ناو دەبات
موراد قەرەیلان لە یادی 15 ئاب-دەستکردن بە خەباتی چەکداریی پەکەکە، پەیامێکی بڵاوکردەوە و تێیدا باس لە پڕۆسەی ئاشتی و ئەو یاسایە دەکات، کە 10ـی ئاب لە پەرلەمانی تورکیا پەسەند کرا.
قەرەیلان، ڕەخنە لە یاساکە دەگرێت کە عەبدوڵا ئۆجەلان ناگرێتەوە و دەڵێت، ئەم پڕۆسەیە بەبێ ئازادیی فیزیکی ئۆجەلان نابێت و ناکرێت.
قەرەیلان لەبارەی چەکدانان و گەڕانەوەی ئەندامەکانیان بۆ باکووری کوردستان و تورکیاش دەڵێت، "تاوەکو ئەو کاتەی ئۆجەلان لە زیندانبێت، ناتوانم بە کەس بڵێم چەکەکەت دابنێ و بڕۆ. من دەتوانم بە ئەندامێک بڵێم بڕۆ با ئۆجەلان پێشوازیت لێبکات. ئەمە کاتێک دەکرێت ئۆجەلان دەستوەردان بکات، کۆبوونەوە بکات و ئەندامەکانمان قایل بکات."
گواستنەوەی خەباتی چەکداری بۆ سیاسی
لەگەڵئەوەشدا قەرەیلان ئامادەیی بزووتنەوەکەیان دەردەبڕێت بۆ گواستنەوە لە شەڕ و خەباتی چەکداری بۆ زەمینەی سیاسی و یاسایی و یاساکەش بە هەنگاوێکی مانادار و نوێ ناو دەبات.
ڕەخنە لە ناو نەهێنانی کورد لە یاساکەدا
قەرەیلا لە درێژەی ڕەخنەکانیدا دەڵێت، لە یاساکەدا ناوی کورد نەهێنراوە و باسی دیموکراسییەت نەکراوە، هەر بۆیە ناتوانرێت بەم هەنگاوە، کێشەی کورد لە بنەڕەتەوە چارەسەر بکرێت.
باس لەوەش دەکات، هێشتا زمانی حکومەت و دەوڵەتی تورکیا نەگۆڕاوە و زمانی شەڕە.
قەرەیلان لەبارەی دەستپێکی پڕۆسەکە دەڵێت، کە دەوڵەتی تورکیا بۆی دەرکەوت ناتوانێت بە چەک و ڕێگەی سەربازیی لەناویان ببات، جارێکی دیکە دەستیان بە پڕۆسەی ئاشتی کرد و دەوڵەت باخچەلی، سەرۆکی مەهەپە بانگەوازی کرد و ئۆجەلانیش بە ئەرێنیی وەڵامی دایەوە.
زانیاری زیاتر بۆ تۆ
ئەردۆغان و شاندی ئیمراڵی بۆ چوارەمین جار کۆبوونەوە
میدیای تورکیا هەنگاوە یاساییەکانی پڕۆسەی ئاشتی ئاشکرا دەکات
پەرلەمانی تورکیا یاسای هاودەنگیی نیشتمانی و بەهێزکردنی یەکگرتنی کۆمەڵایەتی پەسەند کرد
دادگای ئەورووپا: زۆرینەی بڕیاری دادگاکانی تورکیا پێشێلکارییان تێدایە
2 کاتژمێر پێش ئێستا