بوومەلەرزەیەک بە گوڕی 5.4 پلە باکووری کوردستانی هەژاند
محەمەد عەلی 2 کاتژمێر پێش ئێستا
پووختەى هەواڵەکە
- بوومەلەرزەیەک بە گوڕی 5.4 پلە باکووری کوردستانی هەژاند.
- بوومەلەرزەکە شارۆچکەی کاراکۆپروی سەربە پارێزگای ڕحای لە باکووری کوردستان، هەژاندووە.
- بوومەلەرزەکە لە قووڵایی 7.39 کیلۆمەتردا ڕوویداوە.
- بوومەلەرزەکە لە هەریەک لە ئامەد، مێردین، سێرت، شرنەخ، ئێلهــ، دیلۆک، سەمسوور، ڕحا و مەڵەتیش هەستی پێکراوە.
بە گوێرەی ئەو زانیارییانەی فەرمانگەی بەڕێوەبردنی کارەسات و دۆخی لەناکاو لە تورکیا ناسراو بە ئافاد بڵاویکردووەتەوە، بومەلەرزەیەک بە گوڕی 5.4 پلە ڕحای هەژاندووە و ناوەندەکەی شارۆچکەی کاراکۆپرو بووە. ئاماژە بەوەشکراوە، بوومەلەرزەکە لە قووڵایی 7.39 کیلۆمەتردا ڕوویداوە.
لە کوێ هەست بە بوومەلەرزەکە کراوە؟
- بوومەلەرزەکە لە هەریەک لە ئامەد، مێردین، سێرت، شرنەخ، ئێلهـ، دیلۆک، سەمسوور، ڕحا و مەڵەتیش هەستی پێکراوە.
- دوای بوومەلەرزەکە، هاونیشتمانییان ماڵەکانیان جێهێشتووە و ڕوویان لە شەقام، کۆڵان و پارکەکان کردووە.
- لای خۆیەوە حەسەن شڵداک، لە بارەی بوونی زیانی گیانی یان ماددی، ئاشکرایکرد، بە گوێرەی پشکنین و بەدواداچوونەکان تاوەکو ئێستا هیچ حاڵەتێکی گیانلەدەستدان یان داڕمان تۆمارنەکراوە.
- تەنیا چەند حاڵەتێکی کەم بەهۆی ترس، شڵەژان و ڕاکردن لە کاتی بوومەلەرزەکەدا سەردانی نەخۆشخانەکانیان کردووە بۆ چارەسەری سەرەتایی.
هەر بەگوێرەى فەرمانگەى ئافادى تورکیا، قڵیشانی بچووک لە دیواری هەندێک لەو خانوو و باڵەخانە کۆنانەدا بینراوە کە پێشتریش بەهۆی بوومەلەرزە گەورەکەی 2023ەوە کەمێک زیانیان پێگەیشتبوو.
ئێستا تیمەکانی هاوکاری و پشکنینی مەیدانی AFAD لە ناوچەکە بڵاوبوونەتەوە بۆ دڵنیابوونەوە لە سەلامەتی گشتی، و ژیان لە شارەکەدا بەرە و ئاساییبوونەوە دەچێت.
زانیارى زیاتر بۆ تۆ
تورکیا 91 ملیار دۆلاری بۆ قەرەبووکردنەوەی بومەلەرزە خەرجکردووە
محەمەد عەلی
2 کاتژمێر پێش ئێستا