بەڕێوەبەرایەتى گشتى کەشناسى و بوومەلەرزەزانى هەرێمى کوردستان رایگەیاند "پێشبینیدەکرێت ئەمشەو لە ناوچە شاخاوییە سنورییەکان بەفر ببارێت".
بەگوێرەى راگەیەندراوێکى بەڕێوەبەرایەتییەکە "لە ئەنجامی بەردەوامبوونى کاریگەرى هەردوو نزمە پاڵە پەستۆى دەریاى سوور و ناوەراست لەسەر هەرێمى کوردستان، پێشبینى دەکرێت ئەمشەو بارانبارین بەشێوەى نمە باران و مام ناوەند کە هەندێ جارهەورە تریشقەشی لەگەڵ دەبێت".
دەشڵێت "هەروەها بەفریش لە ناوچە شاخاوییە سنوریەکان دەبارێت".
لە راگەیەندراوەکەدا پێشبینى بۆ رێژەى بارانبارین تاوەکو کاتژمێر 9ى بەیانى کراوە کە بەمجۆرە دەبێت:
هەولێر 9 - 15 ملم
سلێمانی 8 - 12 ملم
دهۆک 10 - 16 ملم
هەڵەبجە 10 - 15 ملم
راپەرین 12 - 16 ملم
گەرمیان 7 - 12 ملم
زاخۆ 10 - 15 ملم
سۆران 8 - 12 ملم