بەگوێرەی توێژینەوەیەکی نوێ، گۆڕانی کەشوهەوا لە داهاتوودا بە بەهای 38 ترلیۆن دۆلار زیان بەر کۆی داهاتی جیهان دەگەیەنێت.
توێژینەوەکە لە لایەن گۆڤاری " نەیچەر"ـەوە بڵاوکراوەتەوە و ئاماژە بەوە دەکات، سەرباری ئەو توانا و هەوڵانەی بۆ کەمکردنەوەی دەردانی گازە زیانبەخشەکان بۆ بەرگەهەوای زەوی دەدرێت، بەڵام لە ساڵی 2050 کاریگەری دەبێت لەسەر کەمبوونەوەی داهاتی جیهان بەڕێژەی 20%، کە دەگاتە نزیکەی 38 ترلیۆن دۆلار.
بەگوێرەی توێژینەوەکە، ئەگەر بتوانرێت دیاردەی گەرمبوونی زەوی لە دوو پلەی سەدی بهێڵدرێتەوە، ئەوا دەکرێت رێژەی زیانە ئابوورییەکان لە جیهاندا بە رێژەی 20% کەمبکاتەوە، لە کاتێکدا ئەگەر لەو دوو پلەیە تێپەڕ بکات، زیانەکان زیاتر دەبێت بۆ رێژەی 60%ی داهاتی هەرێمایەتی لە جیهاندا.
بەگوێرەی توێژینەوەکە، بەهۆی مەترسییەکانی گۆڕانکاریی کەشوهەواوە، تاوەکو ساڵی 2050، داهاتی دەوڵەتی فەڕەنسا بە رێژەی 13% کەمدەکات.
هەریەکە لە ئەڵمانیا و ویلایەتە یەکگرتووەکانی ئەمریکا، داهاتیان بە رێژەی لە 11% کەمدەکات.
بەهۆی چالاکییە ئابوورییەکان و دەردانی گازە زیانبەخشەکان، پلەی گەرمی زەوی دوو پلەی سیلیزی زیاتر بەرزبووەتەوە، ئەگەر بەراورد بکرێت بە بەرزبوونەوەی پلەی گەرمای زەوی لە ناوەڕاستی سەدەی نۆزدەدا.
