درۆنەکانی تورکیا جارێکی دیکە بەنداوی تشرینیان لە رۆژئاوای کوردستان بۆردوومان کرد و بەوهۆیەوە کوژراو و بریندار هەیە.

پەیامنێری کەناڵ8 رایگەیاند، سوپای تورکیا بە درۆن جارێکی دیکە هاوڵاتییانی سڤیلیان کردووەتەوە ئامانج، کە لە بەنداوی تشرین لە ئێشکگری بەرگریکردن لە بەنداوەکەدان.

بەگوێرەی زانیارییەکانی پەیامنێری کەناڵ8، هێرشەکە کوژران و برینداربوونی هاونیشتمانییانی لێکەوتووەتەوە.

لە ماوەی سێ هەفتەی رابردوودا، چوار جار تورکیا و گرووپە چەکدارەکان راستەوخۆ خەڵکی مەدەنییان لە بەنداوی تشرین کردووەتە ئامانج، بەو هۆیەوە تاوەکو ئێستا لانیکەم 10 کەس گیانیان لەدەستداوە و 30 کەسی دیکەش برینداربوون.