گەورەبوونی شانەی مەمک لە رەگەزی نێردا زۆرجار بەهۆی زیادبوونی هۆرمۆنی مێینە (ئیسترۆجین) بەراورد بە هۆرمۆنی نێرینە (تێستۆستیرۆن) دروستدەبێت.

• 35%ـی پیاوان تووشی ئەم حاڵەتە دەبن
• 1% مەترسیی تووشبوون بە شێرپەنجەیان هەیە
• 75%ـی ئەوانەی لە هەرزەکاریدا تووشدەبن بەبێ بەکارهێنانی هیچ چارەسەرێک چاکدەبنەوە

هۆکارە باوەکانی گەورەبوونی مەمک لە پیاواندا:

1. 25%ـی حاڵەتەکان هۆکارەکەی نەزانراوە
2. بەکارهێنانی دەرزیی تێستۆستیرۆن بۆ لەشجوانی
3. بەکارهێنانی دەرمانی ترشەڵۆکی گەدە بەبەردەوامی
4. گرێ شێرپەنجەییەکانی گون، غوددە و سییەکان
5. کەمیی ڤیتامین دی
6. خواردنەوەی کحول
7. غوددەی دەرەقی

پاش دەستنیشانکردنی گرفتەکە لای پزیشکی پسپۆڕ، چەند پۆلێنکردنێکی هەیە:

1. گەورەبوونی کەمی سنگ، بەبێ شۆڕبوونەوەی پێست
2. گەورەبوونی مامناوەندی سنگ، بەبێ شۆڕبوونەوەی پێست
3. گەورەبوونی مامناوەندی سنگ و شۆڕبوونەوەی سنگ
4. گەورەبوونی بەرچاوی سنگ و شۆڕبوونەوەی پێست

هەموو کەسێک پێش چارەسەر پێویستە پشکنینی خوێن، هۆرمۆنەکان و سۆنار یان مەمۆگرافیی بۆ بکرێت، پاشان بەگوێرەی گەورەبوونی سنگی چارەسەری بۆ بکرێت؛ ئیدی بە دەرمان بێت یان نەشتەرگەری

د. شڤان کوردە، پسپۆڕی نەشتەرگەریی گشتی