هە‎موو لەرز و تایەک هەوکردن نییە، بەو واتایەی کە دەڵێن هەوکردن میکرۆبە، نەخێر هەموو هەوکردنێکیش هەر میکرۆب نییە.

چۆن لەرز و تا دروستدەبێت؟

پلە‎ی گەرمیی لەشی مرۆڤ لەنێوان 36.5 بۆ 37.5ـدا رێکخراوە.

کاتی تووشی میکرۆب یان هەر نەخۆشییەک دەبین، لە ئەو جۆرە بێت کە پلەی گەرمیی لاشەمان بگۆڕێت، ئیدی دەستدەکات بە بەرزبوونەوە.

کە‎ پلەی لەش بەرزبووەوە، مێشکی مرۆڤ وا دەزانێت سەرمایە، بۆ‎یە دەستدەکات بە لەرزاندنی ماسولکەکانمان. بەمە دەیەوێت گەرمیی زیاتر دروستبکات.

بە‎حسابی خۆی سەرما و سۆڵەیە و دەمانلەرزێنێت تاوەکو گەرما دروستبکات.

لە‎ڕاستیدا ئەمە خراپە، بەو لەرزینە ئەوەندەی دیکە گەرمی بەرزدەکاتەوە، دەبێت بە تا، بەوەش ئەوەندەی دیکە دەمانکوتێت و وشکمان دەکاتەوە.

چارەسەر:

1. دۆزینەوەی هۆکاری لەرز و تا: دەبێت کەسەکە بۆ دۆزینەوەی هۆکاری گرفتەکە سەردانی پزیشک بکات

2 -خۆفێنککردنەوە بە خاولیی تەڕ بە ئاوی شلەتێن: دەبێت لەشی پێ بسڕیت زووزوو، نەوەکو لەسەر ناوچەوان دایبنێیت.

3-پاراستۆل، هەموو کات سەلامەتە، هەتاوەکو دەگەیتە لای پزیشک.

گرنگە چارەخوازان هەرگیز لەخۆیانەوە حەبە سێ دەنکییەکە و ئەمۆکسیل بخۆن، مەگەر لەژێر رێنمایی پزیشکی پسپۆڕدا بێت.

د. زانیار نووری ئاغال، پسپۆڕی نەخۆشییە هەناوییەکان