بەگوێرەی حاڵەتەکە و بارودۆخی تەندروستیی خانمەکە پزیشکی پسپۆڕ بڕیاردەدات کام شێوازی چارەسەر گونجاوترینە، بەگشتی سێ ڕێگا هەن :

• چاوەڕێکردن، واتە بەکارنەهێنانی هیچ دەرمانێک یان نەشتەرگەرییەک بەڵام چاودێریکردنی وردی دۆخی خانمەکە و لە حاڵەتی پێویست ئەنجامدانی چارەسەری گونجاو
• چارەسەر بە بەکارهێنانی دەرمان
• چارەسەر بە ڕێگەی نەشتەرگەری

ئاڵۆزییەکانی چین؟

• دەکرێت ببێتەهۆی تەقینی بۆریی منداڵدان (جۆگەی فالوپ)، کە لەم حاڵەتەدا پێویستدەکات لاببرێت و ئەمەش لەوانەیە هەلی دووگیانبوون کەمتربکاتەوە
• خوێنبەربوونی ناوەکی
• ئەگەر پشتگوێبخرێت و یان درەنگ پێت بزانرێت لەوانەیە ژیانی خانمەکە بخاتە مەترسییەوە

د. شەنگە عەبدوڵا، پسپۆڕی نەخۆشییەکانی ژنان و منداڵبوون