هەوڵ بدە ئارام بیت و خۆت نەشڵەژێنی و مناڵەكەشت ئارام بكەیتەوە

• سەرەتا دڵنیا ببەرەوە لە رێڕەوی هەناسەی بە سەیركردنی ناو دەمی، هیچ شتێك رێڕەوی هەناسەی نەگرتبێت وەك سەری بوتڵی نەوت یان رشانەوەی خۆی یا هەر تەنێكی نامۆ
• بەخێرایی لە شوێنی رووداوەكە دووری بخەرەوە بۆ بۆ شوێنێكی ئارام. و سەلامەت
• راستەوخۆ جلەكانی بگۆڕە بۆ ئەوەی زیاتر بۆنی نەوت هەڵنەمژێت
• دەست یان هەر شوێنێكی نەوتی بەركەوتووە بە ئا وو سابوون بیشۆ
• ئەگەر هۆشی باش بوو هێڵنج و رشانەوەی نەبوو ئەتوانی ئاو یان شیری پێ بدەی
• بە زووترین كات بیبەرە نەخۆشخانە
• هەرگیز هەوڵ مەدە مناڵەكەت بڕشێنیتەوە
• ئەگەر دووربوویت لە نەخۆشخانە یان دوای دەرچوون لە نەخۆشخانە چاودێریی باری هۆشداری و هەناسەدانی و توانای قوتدان یان لیككردنەوەی زۆری بكە
• ئەگەر هەستت كرد بە تێكچوونی باری هۆشداری یان لیككردنەوەی زۆر یان نەتوانێت شت قوت بدات یان هەناسەی توند بوو، سەردانی پزیشكی پسپۆڕ بكە
• بۆ پاراستنی مناڵ لە نەوت خواردنەوە دڵنیا بەرەوە لەوەی نەوت لە شوێنێكی دوور لە دەستی مناڵ هەڵگریت و سەری قەپات كرابێت یان ئەگەر بەلوعەی هەبوو داخرابێت

د. بەنان محەمەد

پزیشكی پسپۆڕی نەخۆشییەكانی منداڵان