لە وەڵامی کەناڵ8ـدا لەبارەی دەنگۆی راپۆرتێک بە هێرشکردنەسەر عێراق لەلایەن ئیسرائیلەوە و گوایە لەپاش هێرشکردنەسەر قەتەڕ ئامانجی داهاتووی ئیسرائیل  عێراقە، سابت عەباسی، وەزیری بەرگریی عێراق گوتی؛ هیچ نیگەرانییەک لەوبارەیەوە بوونی نییە و ئامادەباشی شەڕ و ئامادەیی بۆی کراوە.

عێراق ئامادەباشی بۆ شەڕ کردووە

وەزیری بەرگریی عێراق بۆ کەناڵ8 گوتیشی، سیستمی راداری نوێ کڕدراوە و چەند سیستمێکی نوێش بەڕێوەیە و ئەوان وەک وەزیری بەرگریی؛ پابەندن بە پتەوکردنی سیستمی بەرگری وڵاتەکە و دووپاتیشیکردەوە هیچ مەترسییەکی نیگەرانکەر یان هەڕەشەیەکی نزیک بوونی نییە.

عێراق سیستمی راداری نوێی کڕیوە

وەزیری بەرگری عێراق هەموو لایەکی دڵنیاکردەوە و گوتی " بەدڵنیایی ئامادەکارى بۆ جەنگ و ئامادەباشى جەنگى کراوە و لەبارەیەوە دڵنیاین، بەڵێ رادارى نوێ هەیە و رادارى ئاشکراکردمان لە سەرەتاى گرێبەستەکەوە وەرگرتووە، گرێبەستەکانمان و پابەندییەکانمان بەردەوامن بۆ بەهێزکردنى سوپاى عێراقى، شتێکى نیگەرانکەر و هەڕەشەکى نزیک لە ئارادا نییە".