خانمێکی دیاری کورد، وەکو سەرۆکی کۆمیسیۆنێکی دیاری فیلم لە کوردستان، بەشداریی لە فێستیڤاڵێکی گەورەی ڕۆژهەڵاتی ناوەڕاست دەکات.

سەرۆکی فێستیڤاڵەکە بانگهێشتی کردووە

خاتوو باڤی یاسین، سەرۆکی فیلم کۆمیسیۆنی کوردستان سلێمانی، بە بانگهێشتنامەی حەسەن ئەلسوادی، سەرۆکی لیژنەی فیلم لە فێستیڤاڵی فیلمی دەوحە و پەیمانگەی فیلمی دەوحە لە قەتەڕ، بەشداریی لە خولی ئەمساڵی ئەم فێستیڤاڵە سینەماییە دەکات.

کێی تر بەشدار دەبێت؟

وەکو لە ناوەڕۆکی ڕاگەیەندراوی فیلم کۆمیسیۆنی کوردستان سلێمانی ئاماژەی پێ دراوە؛ بڕیارە ڕێکەوتی 22ـی تشرینی دووەم، خاتوو باڤی یاسین، وەکو سەرۆکی کۆمیسیۆنی فیلمی کوردستان سلێمانی، بەشداریی لە پانێڵێکی فێستیڤاڵی فیلمی دەوحە بکات، بە ناونیشانی "کۆمیسیۆنەکانی فیلمی ڕۆژهەڵاتی ناوەڕاست و باکووری ئەفریقا"، کە هاوتای شارەزایانی ئەم بوارە لە ئاستی نێودەوڵەتییدا بەشدار دەبێت، ئەوانیش:

• جۆرج دەیڤد – لیژنەی فیلم لە میدیا سیتی قەتەر
• ئاندرو سمیس – ستۆدیۆکانی پاین وود
• موهەنەد ئەلبەکری – کۆمیسیۆنی شاهانەی فیلم – ئوردن

تاوتوێی چی دەکرێت؟

بڕیارە ئەم پانێڵە و گفتوگۆکانی، لەلایەن جۆناسان ئۆلسبێرگ بەڕێوەببرێت، تیایدا تاوتێی چۆنییەتی بنیادنانی سیستمێکی بەرهەمهێنانی ئاست بەرز دەکەن، هاوتای دروستکردنی هەلی پێکەوە کارکردن بەمەبەستی ڕاکێشانی پڕۆژە نێودەوڵەتییەکان بۆ ڕۆژهەڵاتی ناوەڕاست.