دوای داخستنی بۆرسەی ئاسیا، نرخی زێڕ لەسەر ئاستی جیهان و هەرێمی کوردستان بەرزبوونەوەی پێوانەیی تۆمار کرد و نرخی کیلۆیەک زێڕ لە 14 دەفتەر دۆلار نزیک بووەتەوە.

ئۆنسەیەک بە 4,340 دۆلارە

لە بۆرسەی جیهانیدا نرخی زێڕ بەردەوامە لە هەڵکشان؛ لە ئێستادا یەک ئۆنسە زێڕ بە چوار هەزار و 340 دۆلار مامەڵەی پێوە دەکرێت. هاوکات یەک کیلۆ زێڕ گەیشتووەتە 139 هەزار و 537 دۆلار (نزیکەی 140 هەزار دۆلار).

نرخەکان لە هەرێمی کوردستان

بە کاریگەریی بازاڕە جیهانییەکان، نرخەکان لە بازاڕەکانی هەرێمی کوردستانیش بەرز بوونەتەوە و بەم شێوەیە مامەڵەیان پێوە دەکرێت:

عەیارە 24: یەک مسقاڵ بە 980 هەزار دینار.

عەیارە 21: یەک مسقاڵ بە 863 هەزار دینار.

عەیارە 18: یەک مسقاڵ بە 737 هەزار دینار.

لیرەی خەلیجی: گەیشتووەتە 900 دۆلار (ملیۆنێک و 287 هەزار دینار).

هۆکاری بەرزبوونەوەکە

شارەزایانی ئابووری هۆکاری ئەم بازدانە گەورەیەی نرخی زێڕ بۆ دوو هۆکار دەگەڕێننەوە:

بڕیاری کەمکردنەوەی ڕێژەی سوودی بانکی ناوەندیی ئەمریکا.

زیادبوونی خواستی جیهانی لەسەر کانزا زەردەکە.

زیویش لە هەڵکشاندایە

هاوشێوەی زێڕ، کانزای زیویش خواستی لەسەرە و بەرزبوونەوەی تۆمار کردووە:

یەک ئۆنسە زیو: 67 دۆلار و 14 سەنت.

یەک کیلۆ زیو: دوو هەزار و 150 دۆلار.