قەبارەی بازاڕی خوێ لەسەر ئاستی جیهان لەم ساڵانەی دواییدا گەشەسەندنێکی بەهێزی بەخۆیەوە بینیوە و ئامارەکان دەریدەخەن کە لە ساڵی 2024ـەوە بۆ 2025 بازدانێکی گەورەی کردووە. بەگوێرەی داتا نوێیەکان، قەبارەی ئەم بازاڕە لە 39 ملیار دۆلارەوە بۆ 41.85 ملیار دۆلار لە ساڵی 2025 بەرزبووەتەوە.

گەشەی ساڵانە و ئاییندەی بازاڕەکە

بەگوێرەی پێگەی لێکۆڵینەوەی گەشەی ئابووری (CAGR)، بازاڕی خوێ ساڵانە بەڕێژەی 7.8% گەشە دەکات. بەهۆی ئەم بەرزبوونەوە بەردەوامەوە، چاوەڕوان دەکرێت تاوەکو ساڵی 2029 قەبارەی بازاڕەکە بگاتە زیاتر لە 56.54 ملیار دۆلار، کە ئەمەش ژمارەیەکی پێوانەییە لە مێژووی بازرگانیی خوێدا.

هۆکارەکانی زیادبوونی خواست

پسپۆڕان هۆکاری ئەم گەشەسەندنە خێرایە بۆ چەند فاکتەرێک دەگەڕێننەوە، لەوانە زیادکردنی بەرهەمهێنان بەهۆی زۆریی خواست و فراوانبوونی بەکارهێنانی لە کەرتی پیشەسازیدا. هەروەها پەرەسەندنی پیشەسازیی لەپاکەتکردن، بەکارهێنانی بۆ توانەوەی ناوچە سەهۆڵییەکان و چارەسەرکردنی گرفتەکانی کەمیی ئاو ڕۆڵی سەرەکییان هەبووە لە بەرزبوونەوەی بەهای ئەم بازاڕە.