تۆڕی کۆمەڵایەتیی فەیسبوک، بەنیازە سنوورێک بۆ بەکارهێنەرەکانی دابنێت، لەبارەی ژمارەی ئەو لینکانەی دەتوانن لە تۆڕە کۆمەڵایەتییەکە هاوبەشی پێبکەن و ئێستا سەرقاڵی تاقیکردنەوەیە.

بەشداریکردنی مانگانە

ژمارەیەک بەکارهێنەر لە بەریتانیا و ئەمریکا ئاگادارکردنەوەیەکیان پێگەیشتووە کە دەڵێت دەتوانن تەنیا ژمارەیەکی دیاریکراوی لینک لە فەیسبوک هاوبەشی پێ بکەن بەبێ بەشداریکردنی مانگانە، بە پێچەوانەوە ئەگەر بیانەوێت لینکی زیاتر دابنێن، دەبێت بەشداری مانگانە بکەن کە لە 9.99 پاوەندەوە دەست پێ دەکات.

مێتا ئەمەی بە تاقیکردنەوەیەکی سنووردار وەسف کردووە بۆ تێگەیشتن لەوەی ئایا بڵاوکردنەوەی پۆستی زیاتر لەگەڵ لینک، بەهای زیاتر بە بەشداربووان دەبەخشێت یان نەخێر، بەڵام لەلایەکی دیکەوە وەکو هەوڵێک بۆ پەیداکردنی پارەی زیاتر لە پلاتفۆرمەکەوە سەیر دەکرێت.