هێزەکانى سووریاى دیموکرات هەسەدە، لە گرتووخانەى ئەقتان لە باشوورى ڕەققە کشانەوە.

کشانەوە بۆ کۆبانێ

دەستەى ئۆپراسیۆنەکان لە سوپاى عەرەبیی سووریا بڵاویکردەوە، هێزەکانى سووریاى دیموکرات لە گرتووخانەى ئەقتان و دەوروبەرى، بەیاوەرى یەکەکانى سوپا کشانەوە بۆ کۆبانێ.

وەزارەتى ناوخۆ ئەرکى زیندانەکە وەردەگرێت

ڕاشیگەیاندووە، ئەم هەنگاوە دەستپێکى جێبەجێکردنى ڕێککەوتنى 18ـى کانوونى دووەمە و وەزارەتى ناوخۆ ئەرکى کارگێڕى زیندانەکە وەردەگرێت.

گەمارۆدانى گرتوخانەکە

گرووپە چەکدارەکانى سەر بە حکومەتى کاتى سووریا لە 18ـى کانوونى دووەمەوە گرتووخانەى ئەقتانیان گەمارۆداوە و زیاتر لە دوو هەزار چەکداریی دەستگیرکراوى داعشى تێدایە.

سێیەم گرتوخانەیە

لە دواى کەمپى هۆل و گرتووخانەى شەدادى، گرتووخانەى ئەقتان سێیەم گرتووخانەیە لەلایەن هێزەکانى سووریاى دیموکراتەوە ڕادەستى گرووپە چەکدارەکان و سوپاى سووریا دەکرێت.