وەزارەتی پلاندانانی عێراق ڕایگەیاند، زیاد لە هەشت ملیۆن یەکەی نیشتەجێبوون لە عێراقدا هەیە و لەو بڕەشە 1.3٪ـی ڕێکنەخراوە و حکومەتیش بەردەوامە لە چارەسەرکردنی موڵکی زیادەڕۆ و تەجاوز.

100 هەزار یەکەی نیشتەجێبوونی زیادڕۆ هەیە

ژمارەی ئەو شوێنە نیشتەجێبوونانەی ڕێکنەخراوە یاخود زیادەڕۆیە زیاترە لە 100 هەزار یەکەی نیشتەجێبوون و زیاد لە 600 هەزار کەس تیایدا نیشتەجێن.

ڕەشنووسی یاسای خانوو و موڵکی زیادەڕۆ پەسەند نەکراوە

عەبدولزەهرە هەنداوی گوتەبێژی وەزارەتی پلاندانانی عێراق ڕایگەیاند، پرسی موڵك وزەوی زیادەڕۆ زیادی کردووە ئەوەش بەهۆی زیادبوونی دانیشتووانەوە، هەرچەندە ڕەشنووسی یاسای خانوو و موڵکی زیادەڕۆ ئامادەیە و تاوەکو ئیستا نەتوانرە حکومەتە یەک لە دوا یەکەکان پەسەندی بکات.

چارەسەرکردنی کێشەکە کاتی زۆری دەوێت

ئاماژەی بەوەشکردووە، چارەسەری کردنی پرسی خانوو و موڵکی زیادەڕۆ کاتی زۆری دەوێت چونکە بەشێکی زۆریان زەوی موڵکی دەوڵەتە و ناوچە کشتوکاڵییەکان کراون بە شوێنی نیشتەجێبوون و بەشێکی زۆریان وەک زیادەڕۆ مامەڵەیان لەگەڵدا دەکرێت.

کۆتا سەرژمێری

وەزارەتی پلاندانان دەڵێت، بەگوێرەی کۆتا ئاماری سەرژمێری ژمارەی هەشت ملیۆن و 87 هەزار و 221 یەکەی نیشتەجێبوون هەیە.