وەزارەتی دەرەوەی ئەمریکا  لە وەڵامی پرسیارێکی کەناڵ8دا دەربارەی هێرشە مووشەکییەکەی ئێران بۆ سەر بارەگاکانی پێشمەرگە لە ئیدارەی سەربەخۆی سۆران ڕایگەیاند، "بەتوندی سەرکۆنەی هێرشە قێزەونەکەی ئێران و گرووپە چەکدارەکانی بریکاریان لە عێراق دەکەین بۆ سەر هەرێمی کوردستان، سەرەخۆشی لە کەسوکاری پێشمەرگە شەهیدەکان دەکەین و هیوای زوو چاکبوونەوە بۆ برینداران دەخوازین".

سەرۆکۆنەی هێرشەکانی سەر پێشمەرگە

تۆمی پیگۆت، جێگری گوتەبێژی وەزارەتی دەرەوەی ئەمریکا گوتیشی: "بە توندی سەرکۆنەی هێرشە بەرفراوانەکانی ئێران و میلیشیا تیرۆریستییە بریکارەکانیان لە عێراق دەکەین بۆ سەر هاوڵاتیانی ئەمریکی و هاوبەشەکانمان لە سەرانسەری ڕۆژهەڵاتی ناوەڕاست".