سەرەڕای بوونی خاکێکی بەپیت بۆ زۆربەی بەرهەمە کشتوکاڵییەکان، بەڵام پێکهاتەی خاک و کەمیی ڕێژەی بارانبارین و شێ بوونەتە ڕێگر لەبەردەم چاندنی ڕووەکی چا لە هەرێمی کوردستان.

شکستی تاقیکردنەوەکانی چاندنی چا لە ناوچە شاخاوییەکان

ڕزگار حەمە خدر، ڕاوێژکاری وەزارەتی کشتوکاڵ ڕایگەیاند، لە ماوەی ساڵانی ڕابردوودا لە چەند ناوچەیەکی شاخاوی وەک سۆران، هەورامان، پێنجوێن و ئاکرێ هەوڵدراوە ڕووەکی چا بچێنرێت، بەڵام سەرجەم هەوڵەکان شکستیان هێناوە. هۆکاری ئەمەش بۆ پێکهاتەی خاک و گونجاو نەبوونی کەشوهەوای ئەو ناوچانە دەگەڕێتەوە کە ڕێگر بوون لە گەشەکردنی ڕووەکەکە.

پێداویستییە ژینگەییەکان و ئاستەنگەکانی هەرێم

بەگوێرەی لێکۆڵینەوە کشتوکاڵییەکان، ڕووەکی چا پێویستی بە بڕێکی زۆری بارانبارین هەیە کە لە نێوان 1,500 بۆ 2,500 میلیمەتردایە، لە کاتێکدا هەرێمی کوردستان ئەو بڕە بارانەی لێ نابارێت. ڕاوێژکارەکەی وەزارەتی کشتوکاڵ ئاماژەی بەوەش کرد کە کەمیی ڕێژەی شێ و نەبوونی سێبەری پێویست، هۆکارێکی دیکەی سەرنەکەوتنی چاندنی چان لە ناوچە جیاوازەکاندا.

جیاوازیی ژینگەی کوردستان و وڵاتانی هەناردەکار لەبارەی ئەو وڵاتانەی کە ژینگەیان بۆ بەرهەمهێنانی چا گونجاوە، ڕزگار حەمە خدر ئاماژەی بە وڵاتانی هیندستان، چین، کینیا و وڵاتانی ئاسیا بە گشتی کرد. هۆکاری سەرکەوتنی ئەو وڵاتانە بۆ ئەوە دەگەڕێتەوە کە ڕێژەی بارانبارین و شێیان زۆر بەرزە، ئەمەش تەواو پێچەوانەی بارودۆخی خاک و ئاو و هەوای هەرێمی کوردس