ئاگرێک لەسنووری چیای قەرەبۆتک، نزیک گوندی هەمزەئاغا و ئاگرێک لە سنووری سەرگەران کەوتنەوە و تیمەکانی ئاگرکوژێنەوە هەوڵی دوورخستنەوەی ئاگرەکە لە دەغڵ و دانی جوتیاران دەدەن.

سورشتی ناوچەکە کۆنترۆڵکردنی ئاگرەکەی قورس کردووە

بەشدار مەلا سلێمان  بەڕێوەبەری شارەدێی سەرگەڕان بە کەناڵ8ی ڕاگەیاند، ئاگرێک لەسنووری چیای قەرەبۆتک و قەڵاتە سۆران کەوتووەتە و تائێستا کۆنتڕۆڵ نەکراوە، بەهۆی سەختی ناوچەکەش، تیمەکانی ئاگرکوژێنەوە ناتوانن بچنە نزیک سەرچاوەی ئاگرەکە.

خێرایی با ئاگرەکەی فراوانکردووە

گوتیشی ،"بەهۆی خێرایی با ئاگرەکە بەخێرایەکی زۆرەوە بەرەو دەشتاییەکانی قەراج فراوان بووە و  تیمەکانی ئاگرکوژێنەوە و سوپا و ژمارەیەکی زۆری جوتیاران و ئیدارەی سەرگەڕان پێشیان لەئاگرەکە گرتووە بۆ ئەوەی نەگاتە دەغڵ و دانی جوتیاران.

ئاگرەکەی دەشتی قەراج کۆنترۆڵکراوە

هاوکات، ئاگرێکی دیکەش لەدەشتی قەراج  لە نزیک مەخمور  کەوتووەتەوە بەئاڕاستەی گوندی دوانزە هەوار، بەڵام توانراوە کۆنتڕۆڵبکرێت ئەگەر سەرهەڵنەداتەوە بەهۆی بوونی بای بەهێز لە ناوچەکە.