فیدراسیۆنى تۆپی پێی ئەوروپا بە فەرمی تیمی ناوبژیوانی یاریی کۆتایی خولی یانە پاڵەوانەکانی ئەوروپای ئاشکرا کردو ئەرکی بەڕێوەبردنی ناوبژیوانى ناوەڕاستى ئەم یارییە چارەنووسسازەش کە لە نێوان پاریس و ئارسیناڵە بەخشرا بە ناوبژیوانى ئەڵمانی،دانیال سیبێرت.

سیبێرت، تەمەنی 42 ساڵە و لە ساڵی 2015 ەوە شارەى نێودەوڵەتی فیفای پێبەخشراوە، تاوەکو ئەمڕۆ نزیکەى 600 یاریی فەرمى بەڕێوەبردووە و بە یەکێک لە ناوبژیوانە دیارەکانى ئەوروپا دادەنرێت.

کاستى ناوبژیوانى یارییەکەى ئەمشەو بەمشێوازە دەبێت

ناوبژیوانی ناوەڕاست؛ دانیال سیبێرت
یاریدەدەرى ناوبژیوان: یان سیدل و ڕافایل فۆڵتین، ئەڵمانیا
ناوبژیوانى چوارەم: ساندرۆ شار، سویسرا
ناوبژیوانی ڤار ، باستیان دانکێرت،ئەڵمانیا