یەکەم کاروانى حاجییانى سنوورى پارێزگاى سلێمانى و دەوروبەرى لە ڕێگەى فڕۆکەخانەى جەلال تاڵەبانییەوە گەڕانەوە.

148 حاجى گەڕانەوە

بەیانى ئەمڕۆ هەینى، یەکەم کاروانى حاجییانى سنوورى پارێزگاى سلێمانى کە ژمارەیان 148 حاجییە، گەڕانەوە و لە فڕۆکەخانەى نێودەوڵەتیی جەلال تاڵەبانی، لەلایەن بەرپرسان و کەسوکاریان پێشوازییان لێکرا.

دڵخۆشى حاجییان

ژمارەیەک حاجی قسەیان بۆ کەناڵ8 کرد و گوزارشتیان لە دڵخۆشى خۆیان کرد، کە توانیویانە فەریزەى حەج بەجێبهێنێن.

حەجکردنیان چۆن بووە؟

ئاماژەیان بەوەشکرد، لە کەشێکى ئارامدا فەریزەى حەجیان بەجێهێناوە و دووچارى کێشە و گرفتێکى ئەوتۆ نەهاتوون.

دۆعاکان بۆ کوردستان

ڕاشیانگەیاند، نزایان بۆ هاونیشتمانییان و هەرێمى کوردستانیش کردووە.