بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان پێشبینییەکانی کەشوهەوای بۆ دوو ڕۆژی داهاتوو بڵاوکردەوە، کە تێیدا ئاماژە بە ئاسمانی ساماڵ و گۆڕانکاری لە خێرایی با و پلەکانی گەرمادا دەکات.

کەشی پێشبینیکراوی ئەمڕۆ دووشەممە 08-06-2026

ئاسمانی هەرێمی کوردستان بە گشتی ساماڵ دەبێت. خێرایی با لە نێوان 10 بۆ 20 کم/ک دەبێت و ئاراستەکەشی لە باشووری خۆرهەڵاتەوە بۆ باکووری ڕۆژئاوا دەگۆڕێت. مەودای بینین لە نێوان 8 بۆ 10 کیلۆمەتردایە و پلەکانی گەرماش بەراورد بە تۆمارکراوەکانی دوێنێ کەمێک بەرزتر دەبنەوە.

کەشی پێشبینیکراوی سبەی سێشەممە 09-06-2026

بۆ سبەی ئاسمان بە ساماڵی دەمێنێتەوە، بەڵام لە ناوچە شاخاوییەکان پەڵە هەوری جیاجیا دەردەکەون. ئاراستەی با بەرەو باکووری ڕۆژئاوا دەبێت و خێراییەکەشی لە زۆربەی ناوچەکان 10 بۆ 20 کم/ک دەبێت، تەنیا لە سنووری پارێزگای کەرکووک خێرایی با کەمێک چالاکتر دەبێت و دەگاتە سەرووی 20 کم/ک. پلەکانی گەرماش بەراورد بە ئەمڕۆ کەمێک زیاتر بەرز دەبنەوە.

بەرزترین پلەکانی گەرمای پێشبینیکراو بۆ ئەمڕۆ دووشەممە

بەپێی پێشبینییەکانی کەشناسی، بەرزترین پلەکانی گەرما لە شارەکانی هەرێمی کوردستان بەم شێوەیەی خوارەوە دەبن:

هەولێر: 38 پلە

پیرمام: 32 پلە

سلێمانی: 35 پلە

چەمچەماڵ: 38 پلە

دهۆک: 37 پلە

زاخۆ: 38 پلە

بەرزترین پلەکانی گەرمای پێشبینیکراو بۆ سبەی سێشەممە

پلەکانی گەرما بۆ سبەی بەم شێوەیە تۆمار دەکرێن:

هەولێر: 39 پلە

پیرمام: 33 پلە

سلێمانی: 36 پلە

چەمچەماڵ: 39 پلە

دهۆک: 38 پلە

زاخۆ: 38 پلە