لەمێژە زانراوە کە خواردنەوەی کحول زیانی تەندروستیی زۆری هەیە، ئەگەر پێشتر بە بڕێکی کەم پەسەند کرابێت، لە ئێستادا زانست بە تەواوی دژی کحولە و دەڵێت بە هیچ بڕێک تەندروست نییە.

زیانەکانی خواردنەوەی کحول زۆرن، بۆ نموونە کحول مەترسیی تووشبوون بەم نەخۆشییانە بە ڕێژەی %15- %50 زیاددەکات:

• شێرپەنجەی دەم و لێو
• شێرپەنجەی بەشی سەرەوەی بۆریی هەوا(ئەو شوێنەی دەنگەژێیەکانی تێدایە)
• بەمۆمبوونی جگەر و نەخۆشییە درێژخایەنەکانی جگەر
• هەوکردنی پەنکریاس
• شێرپەنجەی کۆڵۆن و کۆم

هەروەها ئەوەش دەرکەوتووە کە خواردنەوەی کحول بە ڕێژەی %105 ئەگەری تووشبوون بە شێرپەنجەی قوڕگ زیاددەکات.

پەیوەندیی نێوان کحول و شێرپەنجەی قوڕگ ئەوەندە زۆرە کە تەنانەت کەمترین بڕیش لە کحول مەترسیی تووشبوون بەم نەخۆشییە زیاددەکات.

کحول بە ڕێژەی %0-%15 مەترسیی تووشبوون بەم نەخۆشییانەش زیاددەکات

• شێرپەنجەی سوورێنچک
• شێرپەنجەی مەمک
• نەخۆشیی ئاڵزەهامەر و نەخۆشییەکانی دیکەی بیرچوونەوە
• ناڕێکیی لێدانی دڵ
• شەکرەی جۆری دوو
• شێرپەنجەی جگەر
• شێرپەنجەی پەنکریاس
• هەوکردنی بەشی خوارەوەی کۆئەندامی هەناسە
• شێرپەنجەی پڕۆستات

بەڵام تاوەکو ئێستا بەڵگەیەکی ئەوتۆ نییە بیسەلمێنێت کە کحول مەترسیی تووشبوون بە شێرپەنجەی گەدە، جەڵتەی مێشک، سیل و کەمڕۆیشتنی خوێن بۆ دڵ زیادبکات.