لە ئێوارەی ڕۆژی یەکشەممەوە لە شاری سلێمانی نرخی بەنزین بە بڕی 50 دینار بۆ هەر لیترێک گران بووە. بەگوتەی گوتەبێژی بەنزینخانەکانیش، ئەم گرفتە ڕەهەندێکی جیهانیی هەیە و هاوکات ڕاگرتنی هاوردەکردنی بەنزین لە ئێران و عێراقەوە لەگەڵ زیادبوونی ژمارەی گەشتیاران، خواست و نرخی سووتەمەنییان لە هەرێمی کوردستان بەرز کردووەتەوە.

هۆکارەکانی گرانبوونی نرخی بەنزین

لەبارەی بەرزبوونەوەی نرخەکانەوە، لە ئێوارەی ڕۆژی یەکشەممەوە لە شاری سلێمانی نرخی بەنزین بۆ هەر لیترێک 50 دینار گران بووە، گوتەبێژی بەنزینخانەکانیش دەڵێت، گرفتەکە جیهانییە. بەهمەن قادر، گوتەبێژی بەنزینخانەکانی سلێمانی بە کەناڵ8ی ڕاگەیاند: "گرانبوونی نرخی بەنزین کۆمەڵێک هۆکاری هەیە و تەنیا لە سلێمانی یان هەرێمی کوردستان نییە، بەڵکو لە تەواوی جیهاندا سووتەمەنی گران بووە".

بەنزین لە ئێران و عێراقەوە نایەت

باسی لە هۆکارەکانی دیکەش کرد و ڕایگەیاند، پێشتر لە ئێران و عێراقەوە بەنزین دەهاتە هەرێمی کوردستان و ئێستا ڕاگیراوە، هۆکارێکی دیکەش ئەوەیە ژمارەیەکی زۆر گەشتیار هاتوونەتە ناوچەکە و خواست لەسەر ئەو سووتەمەنییە زۆر بووە.

ناڕەزایەتیی شۆفێرانی هەولێر

سەبارەت بە دۆخی شۆفێرانیش، شۆفێران لە هەولێر لە نۆرەیەکی دوورودرێژدا بۆ بەنزینی نرخی پاڵپشتیکراو ڕاوەستاون و دەڵێن، نرخەکان زۆر بەرزن بەتایبەت بۆ ئەو شۆفێرانەی کاری تەکسی دەکەن.

نرخی ئێستای بەنزین لە سلێمانی

لەسەر ئاستی نرخەکانیش، ئێستا نرخی یەک لیتر بەنزینی نۆرماڵ بە 1000 دینار و موحەسەن بە 1200 دینار و سوپەر بە 1350 دینارە.

جیاوازی نرخەکان لە بازاڕەکانی هەولێردا

لە شاری هەولێری پایتەختی هەرێمی کوردستانیش نرخی بەنزین بەشێوەیەکی بەرچاو گرانبووە و بە جۆرێک کە لە هەولێر یەک لیتر بەنزینی نۆرماڵ بە 1100 دینار و موحەسەن لە 1300 دینارەوە دەستپێدەکات تاوەکو 1400 دینار دەڕوات، سوپەر بە 1350 دینارەوە تاوەکو 1600 دینار دەڕوات؛ بەگوێرەی کوالیتیی بەنزینەکە نرخەکان دەگۆڕێن.