پرسیار: من کەسێکی شەست ساڵم، سەرنجم داوە بەیانیان کە لە خەو هەڵدەستم، پەنجەکانم و قولەپێم ئاسایین، بەڵام لە کۆتایی ڕۆژەکانمدا دەئاوسێن، هۆکاری ئەمە چییە؟

وەڵام: ئەم ئاوسانە بەهۆی کۆبوونەوەی شلەوە دروست دەبێت لە شانەکانی جەستەدا، ئەم حاڵەتە دەکرێت لە هەرکەسێکدا ڕووبدات بەڵام زیاتر لە کەسانی سەروو 65 ساڵدا دەبینرێت.

پێیەکان، قولەپێ و پەنجەکان باوترین ئەو شوێنانەن کە شلە تیایاندا کۆدەبێتەوە، هۆکارەکانی کۆبوونەوەی شلەش ئەمانەن:

• لاوازبوونی زمانەی خوێنهێنەرەکان، بەتایبەتی لە بەشی خوارەوەی قاچەکان و قولەپێدا
• هێزی کێشکردنی زەوی
• هەوکردنی جومگەکان
• ناچالاکبوون و کەمیی جوڵە
• دەرمانە ناستیرۆیدی و دژەهەوکەرەکان وەکو پڕۆفین
• دەرمانە دژەخەمۆکییەکان
• دەرمانە ستیرۆیدەکان
• دەرمانەکانی بەرزەفشاری خوێن

بۆ زۆرینەی خەڵکی، ئەم گرفتە پێویستی بە دڵەڕاوکێ نییە، بەڵام دەشکرێت هۆکارەکەی نەخۆشیی دڵ، گورچیلەکان و خراپیی سووڕی خوێنیش بێت.

هەربۆیە گرنگە لەم کاتانەدا سەردانی پزیشک بکەیت:

• لەگەڵ زیاتربوونی ئاوساوییەکەدا
• ئەگەر ئاوساوییەکە ئازاری بۆ دروستکردیت
• ئەگەر لەگەڵ ئاوساوییەکەدا هەناسەتوندییت لەگەڵ بوو

بەم ڕێگەیانە دەتوانیت گرفتەکەت کەمتر بکەیتەوە:

• جوڵەی زیاتر بکە
• خوێ کەم بکەرەوە
• لەکاتی دانیشتندا قاچەکانت بەرز بکەرەوە