لیژنەی تایبەت بە ڕێوڕەسمی بەخاکسپاردنی ڕێبەری پێشووی ئێران ڕایگەیاند، سەرەتای مانگی تەمموزی داهاتوو ڕێوڕەسمی ماڵئاوایی و بەخاکسپاردنی تەرمی عەلی خامنەیی لە چەند شارێکی جیاوازی ئێران دەستپێدەکات.

ڕاگەیێنراوی لیژنەی تایبەت

لیژنەی تایبەت بە ڕێوڕەسمی بەخاکسپاردنی تەرمی ڕێبەری پێشووی ئێران ئاشکرای دەکات، سەرەتای مانگی داهاتوو، دەست بە ڕێوڕەسمی ماڵئاوایی و بەخاکسپاردنی تەرمی عەلی خامنەیی دەکرێت.

کۆتاییهاتنی ئامادەکارییەکان

لیژنەکە لە سێیەم ڕاگەیێنراویدا دەڵێت، ئامادەکارییەکانیان کۆتاییهاتووە، سەرجەم خەڵکی ئێران ئاگادار دەکەنەوە، ڕێوڕەسمی ماڵئاوایی و بەخاکسپاردنی تەرمی عەلی خامنەیی، ڕێبەری باڵای ئێران و ئەندامانی خێزانەکەی لە سەرەتای مانگی تەمموزدا بەڕێوەدەچێت.

دەستپێکردنی ڕێوڕەسمەکە لە تاران

ئاماژە بەوە کراوە، ڕۆژانی 4 و 5ـی تەمموز ڕێوڕەسمی ماڵئاوایی لە تەرمەکانیان لە مەزاری ئیمام خومەینی لە تاران دەستپێدەکات و ڕۆژی دواتریش لە ناو شاری تاران ماڵئاوایی لە تەرمەکە دەکرێت.

گواستنەوەی تەرمەکە بۆ قوم و مەشهەد

ڕۆژی 7ـی تەمموز، تەرمەکە دەبرێتە قوم و ڕۆژی 9ـی مانگیش لە مەشهەد ماڵئاوایی لە تەرمەکەی دەکرێت و دواتر هەر لەو شارە لە مەزاری ئیمام ڕەزا بەخاک دەسپێردرێت.

بانگەوازی لیژنەکە بۆ گەلی ئێران

لیژنەکە داوا لە گەلی ئێران و ئەوانەی ئێرانیان خۆشدەوێت دەکات، بەشداری لەو ڕێوڕەسمانەدا بکەن.

هۆکاری کوژرانی خامنەیی

خامنەیی لە بۆردوومانی هاوبەشی ئەمریکا و ئیسرائیل لە 28ـی شوباتدا لە تاران کوژرا، کە زیاتر لە سێ دەیە بوو ڕێبەری ئێران بوو.