قوباد تاڵەبانی، جێگری سەرۆکی حکومەتی هەرێمی کوردستان، لە ڕێگەی پەیامێکی ماتەمینییەوە پرسە و سەرەخۆشیی خۆی ئاڕاستەی سەلاحەدین محەمەد بەهائەدین کرد و هاوخەمیی قووڵی خۆی بۆ کۆچی دوایی براکەی دەربڕی.

پەیامی هاوخەمی بۆ ئەمینداری گشتیی یەکگرتوو

جێگری سەرۆکی حکومەتی هەرێمی کوردستان لە بروسکەیەکدا بۆ سەلاحەدین محەمەد بەهائەدین، ئەمینداری گشتیی یەکگرتووی ئیسلامیی کوردستان، ڕایگەیاند کە بە بیستنی هەواڵی کۆچی دوایی مامۆستا حسێن محەمەد بەهائەدینی برای جەنابیان، زۆر دڵگران و خەفەتبار بوون. قوباد تاڵەبانی لە قووڵایی دڵەوە هاوخەمیی خۆی بۆ کۆچکردوو و تەواوی خانەوادەکەیان دووپات کردەوە.

داواکاری بۆ شادبوونی کۆچکردوو بە بەهەشت

لە بەشێکی دیکەی پەیامەکەدا، قوباد تاڵەبانی نزا و داواکاریی خۆی ئاڕاستەی خوای گەورە کردووە کە گیانی کۆچکردوو بخاتە بەر میهرەبانیی خۆی و بە بەهەشتی بەرینی شاد بکات. هەروەها هیوای خواستووە کە خوای گەورە سەبووری و ئارامی بە جەنابی ئەمینداری گشتی و هەموو کەسوکار و ئازیزانی بنەماڵەکەیان ببەخشێت.