پاش ئەوەی بەهۆی کەوتنەوەی ئاگر و زیان گەیاندن بە باخی هاونیشتمانییەکی شارەدێی بیارە، 7 گەشتیار دەستگیر کران، ئەمڕۆ لەسەر بڕیاری دادوەر بە کەفالەت ئازاد کران.

دەستگیرکردنی تۆمەتبارەکان و زیانەکانی ئاگرەکە

پۆلیسی دارستان و ژینگەی هەڵەبجە بۆ کەناڵ8 ڕایگەیاند، ئەو حەوت گەشتیارە عەرەبەی دوێنێ، بەهۆی ئاگرەکەی گوندی زەردەهاڵەوە دەستگیر کران، ئەمڕۆ لەسەر بڕیاری حاکم و بە کەفالەت ئازاد کران. دوێنێ لەسەر ئاگرکەوتنەوە لە باخێکی گوندی زەردەهاڵ لە شارەدێی بیارەی سەر بە پارێزگای هەڵەبجە و کەوتنەوەی زیانی زۆر، لەلایەن بەڕێوەبەرایەتیی پۆلیسی دارستان و ژینگەی هەڵەبجەوە 7 گەشتیاری بە ڕەچەڵەک عەرەب دەستگیر کران و پەڕاوی لێکۆڵینەوەیان بۆ کرایەوە.

فەرمانی دادوەر و ڕێکارە یاساییەکان

ئاماژە بەوەش کراوە، ئەو کەسانەی دەستگیر کراون، 7 کەسی بە ڕەچەڵەک عەرەبن و لە دوای بەدواداچوون و بە فەرمانی دادوەری لێکۆڵینەوە، ئەو گەشتیارانە دەستگیر کرابوون.