سەرۆکوەزيرانی پاکستان: ڕێککەوتنی ئێران و ئەمريکا بەخششێکی خوایە
شەهباز شەريف، سەرۆکوەزيرانی پاکستان لە وتارێکيدا لە پەرلەمانی وڵاتەکەی ڕايگەياند، "ڕێککەوتنی ئێران و ئەمريکا بەخششێکی خوایە و پێويستە نوێژی سوپاسگوزاری بۆ خودا بکەن بۆ ئەو شەرەفەی کە بە پاکستانی بەخشيوە."
تێپەڕاندنی بەربەستێکی مێژوویی بەردەم ئاشتی
شەهباز شەريف گوتيشی، جيهان بەربەستێکی مێژوویی بەردەم ئاشتی تێپەڕاندووە و ڕۆژی هەينی ڕێککەوتنی نێوان ئێران و ئەمريکا لە جنێڤ بە ميوانداری پاکستان واژۆ دەکرێت.
ستایشی هەوڵی سەرۆکی سوپای پاکستان
هەروەها، ستایشی ئەو ڕۆڵە ناوازەیەی کرد کە عاسم مونیر، سەرۆکی سوپای پاکستان بینیویەتی و شەو و ڕۆژ هەوڵەکانی خۆی بۆ کۆتاییهێنان بە شەڕ و بەرقەرارکردنی ئاشتی تەرخانکردووە.
دەشڵێت، "دانوستانەکان بە ساتێکی هەستياردا تێپەڕيوە و خەريک بووە شکست بهێنێت".
مێژوونووسان بە پیتی زێڕ تۆماری دەکەن
سەرۆکوەزیرانی پاکستان باسی لەوەشکرد، ئاگری شەڕ دەستيکردووە بە دامرکاندنەوە و ئەوە ساتێکی مێژووییە کە مێژوونووسان بە پیتی زێڕ تۆماری دەکەن.
گوتيشی، "ئەوە بەخششێکی خوایە و دوای سێ مانگ و 16 ڕۆژ لە سەختی بەدەستهاتووە، دوای شەوی تاریکی شەڕ، دواجار خۆری ئاشتی هەڵهاتووە".
15/06/2026