ڕووداوێکی هاتووچۆ لەسەر ڕێگەی کۆیە - دووکان ڕوویدا و بەهۆیەوە سێ کەس گیانیان لەدەستدا و دووانی دیکەش بە سەختی بریندار بوون.

سێ کەس گیانیان لەدەستداوە

ئەمڕۆ، دووشەممە، لەسەر ڕێگەی کۆیە - دووکان لە نزیک گوندی شیوەشان پێکدادان لەنێوان دوو بارهەڵگر و تراکتۆرێک ڕوویدا و لەئەنجامدا سێ کەس گیانیان لەدەستداوە کە یەکێکیان کچێکی منداڵە و دوو کەسی دیکەش بریندار بوون و دۆخی تەندرووستیان ناجێگیرە.

ئەوانەی گیانیان لە دەستداوە

ئەوکەسانەی گیانیان لەدەستداوە شۆفێری یەکێک لە بارهەڵگرەکان  و شۆفێری تراکتۆرەکە بوون و کچە منداڵەکەش سەرنشینی تراکتۆرەکە بووە.

هۆکاری سەرەکی ڕووداوەکە

شارەزایان هۆکاری سەرەکی ڕووداوەکانی هاتوچۆ دەبەستنەوە بە پابەندنەبوونی شۆفێران بە ڕێنماییەکانی هاتوچۆ یاخود خراپی ڕەوشی ڕێگاوبانەکان.