فیفا لێکچووەکەی شاکیرای خستووەتە قەیرانەوە
ڕێبێکا مایلانۆ، خانمە گۆرانیبێژ و لێکچووەکەی شاکیرا، لەلایەن ڕێکخراوی فیفاوە دووچاری قەیرانێکی یاسایی کراوە و بەبێ مۆڵەت ناو و براندی ڕێکخراوەکەی بەکارهێناوە.
ناوبانگی مایلانۆ زیادی کردووە
لە سەروبەندی دەستپێکی یارییەکانی جامی جیهانی و بەشداریکردنی شاکیرا، خانمە گۆرانیبێژی بەناوبانگی کۆڵۆمبی لە ئاهەنگەکانی کردنەوەی جامەکەدا، ناوبانگ و سەرنجەکان لەسەر ڕێبێکا مایلانۆی، خانمە گۆرانیبێژی ڤێنیزوێلی و لێکچووەکەی شاکیرا زیادیان کردووە.
فیفا توڕەیە
بەگوێرەی زنایارییەکان، ڕێکخراوی فیفا لە مایلانۆ توڕەیە، بەو هۆکارەی فۆتۆ، ناو و لۆگۆی بازرگانیی ڕێکخراوەکەی بەکارهێناوە لە جامی جیهانییدا، ئەمەش دووچاری قەیرانێکی یاسایی کردووەتەوە و پێدەچێت بە بڕە پارەیەکی زۆر سەرپێچی بۆ بنووسرێت.
مایلانۆ زیاتر لە 20 ساڵە وەکو لێکچووی شاکیرا ناسراوە
مایلانۆ زیاتر لە 20 ساڵە وەکو لێکچووەکەی شاکیرا ناوبانگی هەیە و هەمان گۆرانی و سەماکانی دووبارە دەکاتەوە، خاوەنی ناوبانگێکی زۆرە لە ڤێنیزوێلا و لە تۆڕە کۆمەڵایەتییەکان بەنزیکەی یەک ملیۆن هەواداری هەیە.
2 کاتژمێر پێش ئێستا