ئەنجوومەنی سەرکردایەتیی یەکێتیی نیشتمانیی کوردستان بۆ یەکلاکردنەوەی چەند پرسێکی گرنگ لەسەر ئاستی ناوخۆ و ناوچەکە کۆدەبێتەوە.

کۆبوونەوەی ئەنجوومەنی سەرکردایەتی

پاشنیوەڕۆی ئەمڕۆ 21ی 6ی 2026، ئەنجوومەنی سەرکردایەتیی یەکێتیی نیشتمانیی کوردستان بە سەرپەرشتیی بافڵ جەلال تاڵەبانی، سەرۆکی حزبەکە کۆدەبێتەوە. ئەم کۆبوونەوەیە لە کاتێکدایە کە ناوچەکە و هەرێمی کوردستان بە قۆناغێکی سیاسیی هەستیاردا تێدەپەڕن.

تەوەرە سەرەکییەکانی گفتوگۆ

بەپێی زانیارییەکانی کەناڵ8، بڕیارە لەم کۆبوونەوەیەدا دۆخی گشتیی هەرێمی کوردستان و عێراق بە وردی تاوتوێ بکرێت. هەروەها هەڵسەنگاندن بۆ دوایین گۆڕانکارییە سیاسی و ئەمنییەکانی ناوچەکە دەکرێت تاوەکو یەکێتی هەڵوێستی فەرمیی خۆی لەسەر پێشهاتەکان دیار بکات.