دادوەرى دادگاى دەستپاکیى کەرخ، بەگومانى بوونى گەندەڵى و سەرپێچى لە نرخەکاندا، گرێبەستێکى وەزارەتى بەرگریی عێراقی بۆ کڕینى 800 ئۆتۆمبێل بە بەهاى 462 ملیار دینار ڕاگرت. ئەم بڕیارە هاوکاتە لەگەڵ فەرمانی عەلی زەیدی، سەرۆکوەزیرانی عێراق بۆ ڕاگرتن و پێداچوونەوەی سەرجەم پڕۆژەکانی کۆمپانیاکان لەگەڵ حکومەت، بەهۆی تۆمارکردنی تێبینیی یاسایی و بوونی زیادەڕۆیی لە خەرجییەکاندا.

ڕاگرتنی گرێبەستەکەی وەزارەتی بەرگری

دادوەرى دادگاى دەستپاکیى کەرخ، بەگومانى بوونى گەندەڵى و سەرپێچى لە نرخەکان، گرێبەستێکى وەزارەتى بەرگرى بۆ کڕینى 800 ئۆتۆمبێل بە بەهاى 462 ملیار دینار ڕادەگرێت.

بەربەست لدان لەبەردەم بەهەدەردانی سامانی گشتی

لە درێژەى هەوڵەکانى حکومەتى عێراق بۆ بەرەنگاربوونەوەى گەندەڵى و بەهەدەردانى سامانى گشتی، زیا جەعفەر، دادوەرى دادگاى دەستپاکیى کەرخ بڕیاریدا خەرجکردنى پارە بۆ گرێبەستێکى وەزارەتى بەرگری بۆ کڕینى 800 ئۆتۆمبێلى بارهەڵگر بە بەهاى 462 ملیار دینار ڕابگرێت.

لێکۆڵینەوە لە نرخی ئۆتۆمبێلەکان

سەبارەت بە هۆکاری ڕاگرتنی تەمویلەکە دادوەر بڕیاریداوە لێکۆڵینەوە لە گرێبەستەکە بکرێت بە گومانى زیادەڕەوى لە نرخى گرێبەستەکەدا.

پێکهێنانی لیژنەی پێداچوونەوە بە گرێبەستەکاندا

عەلى زەیدى، سەرۆکوەزیران، دواى دەستبەکاربوونى، لیژنەیەکى بۆ پێداچوونەوە بەسەرجەم گرێبەستە حکومییەکاندا پێکهێناوە، لە کۆبوونەوەى ڕۆژى شەممەى ئەنجوومەنى وەزیرانیش، بڕیاریدا بە ڕاگرتن و پێداچوونەوەى پرۆژەکانى کۆمپانیاکان لەگەڵ حکومەت.

هۆکاری ڕاگرتنی پڕۆژەکانی کۆمپانیاکان

سەبارەت بە لێکەوتە دارایی و تەکنیکییەکانی پڕۆژەکان لە پاش تۆمارکردنى تێبینى یاسایی و تەکنیکى پەیوەست بە گرێبەستەکان و بوونى زیادەڕەوى خەرجیی زیاتر لە 50% بۆ تەواوکردنى پرۆژەکان، سەرۆکوەزیرانی عێراق ئەو بڕیارەیداوە.

ئامانجی بڕیارەکەی سەرۆکوەزیران

هاوكات حەیدەر عەبوودى، گوتەبێژى سەرۆکوەزیرانی عێراق لەبارەی وردبینی و پاراستنی ڕێکارەکانەوە ڕایگەیاند، ئامانج لە بڕیارەکەى سەرۆکوەزیران، وردبینى و لێکۆڵینەوەى وردە لە دروستیى ڕێکارە یاسایی و تەکنیکییەکان و دڵنیابوونەوە لە شیاوى و تواناى کۆمپانیاکان لە جێبەجێکردنى پرۆژە ستراتیجییەکان.