لە شەقامی "10 Downing Street"، کیەر ستارمەر، سەرۆک وەزیرانی دەستلەکارکێشاوەی بەریتانیا، بە پارچە موزیکی بەناوبانگی Ode to Joy لەلایەن خۆپیشاندەرانەوە بەڕێکرا.

لەلایەن خۆپیشاندەرانەوە بەکارهێنرا

ستارمەر لەمیانی قسەکردنی بۆ گەلی بەریتانیا و ڕاگەیاندنی دەستلەکارکێشانەوەکەی لە پۆستەکانی سەرۆکی پارتی کرێکارانی بەریتانیا و سەرۆک وەزیرانی وڵاتەکە، خۆپیشاندەران بۆ ساتێک موزیکەکەیان ڕاگرت، پاش تەواوبوونی قسەکانی ستارمەر، هەر زوو موزیکەکەیان پێکردەوە.

سروودی یەکێتیی ئەورووپایە

ئەم موزیکەی بیتهۆڤن، لە سەرەتای حەفتاکان و ناوەڕاستی هەشتاکانی سەدەی ڕابردووەوە، وەکو موزیکی سروودی ئەنجوومەن و یەکێتی ئەورووپا دەستنیشان کراوە و تاوەکو ئێستاش بەکاردەهێنرێت، پێکردنیشی بۆ بەڕێکردنی ستارمەر، وەکو تەنز و ڕەخنەیەکی سیاسی بوو بۆ جیابوونەوەی بەریتانیا لە یەکێتییەکە.

ستارمەر بۆچی دەستی لەکارکێشاوەتەوە؟

جێی ئاماژەیە، هۆکارەکانی دەستلەکارکێشانەوەی ستارمەر، دەگەڕێتەوە بۆ بوونی ململانێ لە ناوخۆی پارتەکەیدا، پاڵنەر بە دابەزینی ڕێژەی دەنگدەران و کەمبوونەوەی پاڵپشتیی خەڵک بۆ پارتەکە، هەر ئەمەش وای کرد، ستارمەر چیتر خۆی بە شیاوی سەرۆکایەتییکردنی پارتەکەی و حکومەتی بەریتانیا نەزانێت.