پارێزگاری بانکی ناوەندی و کاربەڕێکەری باڵیۆزخانەی ئەمریکا لە عێراق کۆبوونەوە و جەختیان لەسەر گرنگی پاڵپشتی سەقامگیریی نەختینەیی و ئابووری کردووە.

تاوتوێی پرسە هاوبەشەکانی نێوان هەردوو وڵات

نزار ناسر حوسێن، پارێزگاری بانکی ناوەندی لەگەڵ جۆشوا هاریس کاربەڕێکەری باڵیۆزخانەی ئەمریکا لە عێراق کۆبوونەتەوە و هەردوولا تاوتوێی پتەوکردنی هاوبەشیی ستراتیجی و پرسە هاوبەشەکانی نێوان هەردوو وڵات کرا.

جەختکردنەوە لە پاڵپشتی سەقامگیری دراو و ئابووری

هەروەها هەردوولا جەختیان لەسەر گرنگی پاڵپشتی سەقامگیریی دراو و ئابووری کردووە بەوجۆرەی کە دەگونجێت لەگەڵ پێویستیی سەقامگیریی سیاسی و ئەمنی لە عێراق. هاریس پەرۆشی وڵاتەکەی پیشانداوە بۆ پتەوکردنی پەیوەندییەکان لەگەڵ عێراق و پاڵپشتی هەر هەنگاوێک کە دەبێتەهۆی چەسپاندنی سەقامگیری و دوورخستنەوەی وڵات لە هەر هۆکارێک کە ببێتەهۆی تێکدانی بارودۆخەکەی.

ستایشی پەیوەندییەکانی عێراق و ئەمریکا

نزار ناسر پارێزگاری بانکی ناوەندی، پێزانینی خۆی بۆ پەیوەندیی نێوان بانکی ناوەندی و وەزارەتی گەنجینە و یەدەگی فیدراڵی دەربڕیوە و باسیشی لە گرنگی جێبەجێکردنی پلانی چاکسازیی بانکی کردووە لەگەڵ کارکردن بۆ بەدیهێنانی بەرژەوەندییەکانی کەرتی بانکی عێراق بەوجۆرەی دەگونجێت لەگەڵ پێوەرەکانی دەوڵەت و پەیوەست بە پرۆسەی حەواڵەکردنی دەرەکی و ڕێکخستنی فرۆشتنی دۆلار.

ستایشی چاکسازییەکانی بانکی ناوەندیی عێراق

کاربەڕێکەری باڵیۆزخانەی عێراق ستایشی ئەو ڕێوشوێنە چاکسازییانەی کردووە کە بانکی ناوەندی گرتوویەتیەبەر لەگەڵ ئەو پەیوەندییەی بانکەکە بە وەزارەتی گەنجینەی ئەمریکا و یەدەگی فیدراڵی دەیبەستێتەوە.

هەروەها جۆشوا هاریس ئامادەیی تەواوی پیشانداوە بۆ پاڵپشتیکردنی هەوڵەکانی حکومەت بۆ بەدیهێنانی ئامانجەکانی لە پتەوکردنی سەقامگیریی دارایی و نەختینەیی.