دوابەدوای ڕوودانی بوومەلەرزە بەهێزەکەی ڤەنزوێلا، شەپۆلێکی هاوخەمیی نێودەوڵەتی ڕووی لەو وڵاتە کردووە. بەرپرسانی باڵای وڵاتانی جیاوازی جیهان، لەوانەش ئێران و ئەمریکا، ئامادەیی تەواوی خۆیان بۆ ناردنی تیمی فریاگوزاری و هاوکاریی مرۆیی بۆ ڕزگارکردنی زیانلێکەوتووان نیشانداوە و بەشێک لە وڵاتانیش دەستیان بە ناردنی تیمەکانیان کردووە.

هاوخەمیی نێودەوڵەتی بۆ بوومەلەرزەکەی ڤەنزوێلا

دوابەدوای ڕوودانی بوومەلەرزەکەی ڤەنزوێلا، زۆرێک لە وڵاتان هاوخەمیی خۆیان بۆ کاراکاس دەربڕی و ڕایانگەیاند، ئامادەن هاوکاریی هەوڵەکانی ڕزگارکردنی زیانلێکەوتووان بکەن، یەکێک لەو وڵاتانەش ئێران بوو.

هەڵوێستی فەرمیی ئێران لەسەر ناردنی هاوکاریی مرۆیی

ئیسماعیل بەقائی، گوتەبێژی وەزارەتی دەرەوەی ئێران لە ڕاگەیەندراوێکدا هاوخەمی وڵاتەکەی گەیاندە حکومەت و خەڵکی ڤەنزوێلا و لەبارەی هەوڵەکانی فریاگوزارییەوە گوتی، ئامادەن هاوکاریی هەوڵەکانی ڕزگارکردنی زیانلێکەوتووان بکەن.

پەیوەندییە نێودەوڵەتییەکان لەگەڵ سەرۆکایەتی ڤەنزوێلا

دێڵسی ڕۆدریگێز، سەرۆکی ڤەنزوێلا بە وەکالەت لەبارەی پشتیوانییە نێودەوڵەتییەکانەوە ڕایگەیاند، سەرکردەکانی چەندین وڵات و نوێنەرانی نەتەوە یەکگرتووەکان پەیوەندییان پێوەکردووە و هاوخەمی و هاوکاریی خۆیان پێڕاگەیاندووە.

بەڵێنەکەی دۆناڵد ترەمپ بۆ پشتیوانیکردنی ڤەنزوێلا

دۆناڵد ترەمپ سەرۆکی ئەمریکا لە پۆستێکیدا لە تۆڕی کۆمەڵایەتی ترووس لەبارەی هاوکارییەکانی ئەمریکاوە ڕایگەیاندووە، ئامادەن و دەیانەوێت هاوکاریی ڤەنزوێلا بکەن و لەوێ دەبن بۆ هاوکارییکردنی هاوڕێ نوێیەکەیان.

ناردنی تیمی فریاگوزاری لەلایەن وڵاتانی جیاوازی جیهانەوە

هەرێك لە، چین و وڵاتانی ئەمریکای لاتین و وڵاتانی دیکەی ئەورووپا و ئاسیا، ئامادەن هاوکاریی بگەیننە ڤەنزوێلا و زۆرێکیان تیمەکانیان ناردووە بۆ بەشدارییکردن لە هەوڵەکانی ڕزگارکردن.