کێشەى دابینکردنى پارە بۆ پڕۆژەى ئاوى سلێمانى چارەسەرکرا
بەڕێوەبەرى ئاوى سلێمانی ڕایگەیاند، کێشەى لەکارکەوتنى پەمپەکانى ئاوی دووکان - سلێمانى چارەسەرکراوە و گرفى دابەشکردنى ئاو لە گەڕەکەکانى ناو شارەکە نامێنێت.
پاڕە تەرخانکرا و ئەم هەفتەیە کیشەکە چارەسەر دەبێت
بەختیار تاهیر بەڕێوەبەرى ئاوى سلێمانى بە کەناڵ8ـى ڕاگەیاند، بە بڕیارى جێگرى سەرۆکوەزیران پارە بۆ کڕێنى پەمپەکان دابینکراوە و پەمپەکان لە ئەمریکاوە گەیشتووەتە شوێنى پڕۆژەکە و ئەم هەفتەیە کێشەکە چارەسەردەکەن.
گۆڕینی پەمپە لەکار کەوتووەکان
پێشتر پڕۆژەى گۆڕینى پەمپە لەکارکەوتووەکانى هێڵى یەک و دووى ئاوى دووکان - سلێمانى درابوو بە کۆمپانیا، بەڵام پارە بۆ کۆمپانیاکە خەرجنەکرابوو، ئێستا بە بڕیارى قوباد تاڵەبانى، جێگرى سەرۆکوەزیرانى هەرێمى کوردستان، بە چەند گوژمەیەک پارە بۆ کۆمپانیاکە خەرجدەکرێت و ئەم هەفتەیە سێ پەمپى نوێ دەخرێنە شوێنى پەمپە لەکارکەوتووەکان.
پڕۆژەکە گۆڕینی هەشت پەمپی هێڵی یەکی دووکان- سلێمانی لە خۆ دەگرێت
بەگوتەى بەڕێوەبەرى ئاوى سلێمانى، پڕۆژەکە گۆڕینى هەشت پەمپى هێڵى یەکی دووکان - سلێمانییش لەخۆ دەگرێت، بەڵام تاوەکو ئێستا ئەو هەشت پەمپە نەگەیشتووەتە هەرێمى کوردستان.
بەختیار تاهیر گوتیشى، بە دانانى پەمپە نوێیەکان لەم هەفتەیەدا زۆرینەى کێشەکانى کەمئاویی لە گەڕەکەکانى سلێمانى چارەسەر دەبێت.
3 کاتژمێر پێش ئێستا