لیۆنێل مێسی، ئەستێرەی ئەرجەنتین، بووە یەکەم یاریزان لە مێژووی جامی جیهانیدا کە لە حەوت یاریی یەک لەدوای یەکدا گۆڵ تۆمار بکات، مێسی بەرەبەیانی ئەمڕۆ لە دالاس بەرامبەر ئوردن گۆڵێکی تۆمارکرد و بەو گۆڵەش ژمارە پێوانەییەکەی هەریەک لە جۆست فۆنتین و جایرزینیۆی تێپەڕاند.

مێسی وەک یاریزانی یەدەگ بەشداریی یارییەکەی کرد، لە خولەکی 80 بە لێدانێکی ڕاستەوخۆی ناوازە لە دووری 25 مەترەوە گۆڵی سێیەمی تیپەکەی تۆمارکرد و ئەنجامەکەی کرد بە سێ گۆڵ بەرامبەر گۆڵێک لەبەرژەوەندی تانگۆ.

ئەم زنجیرە مێژووییە لە مۆندیالی 2022ی قەتەر دەستیپێکرد، کاتێک بەرامبەر ئوسترالیا، هۆڵەندا، کرواتیا و لە یاری کۆتاییش دوو گۆڵی بەرامبەر فەرەنسا تۆمارکرد.

لە ئەم مۆندیالەش درێژەی بە زنجیرەکەدا، کاتێک بەرامبەر جەزائیر هاتریکی کرد، دوو گۆڵ بەرامبەر نەمسا و ئەمڕۆش گۆڵێکی بەرامبەر ئوردن کرد، مێسی کۆی گۆڵەکانی لە مۆندیالدا گەیاندە 19 گۆڵ و ژمارەی پێوانەییەکەی خۆی بەهێزتر کرد.